Ձեր վստահելի աղբյուրը

ԱՄՆ Զինված ուժերի շտաբի պետերի միացյալ շտաբի (CHS) նախագահ, գեներալ Մարկ Միլին պնդում է, որ ի հերքումն ԱՄՆ նախկին առաջնորդ Դոնալդ Թրամփի և նրա շրջապատի հայտարարությունների, նա երբեք չի առաջարկել նախագահին հարձակվել Իրանի վրա։ Այդ մասին գրում է ՏԱՍՍ-ը:

«Ես կարող եմ ձեզ վստահեցնել, որ ես երբեք խորհուրդ չեմ տվել հարձակվել Իրանի վրա»,-ասել է Միլին CNN-ին: «Ես կարող եմ ձեզ վստահեցնել, որ Իրանի վրա ռազմական հարձակումը շատ, շատ լուրջ նախաձեռնություն է: Մենք ունենք հնարավորություններ… Չեմ պատրաստվում մանրամասնել»։

Հեռուստաալիքը պարզաբանում է, որ հուլիսին ներկայացված մեղադրական եզրակացությն մեջ սվումէ, որ Թրամփը փաստաթուղթ է պահել իր մոտ, որը «ներկայացում է այլ երկրում ռազմական գործողությունների մասին պլն»։ CNN-ի փոխանցմամբ՝ խոսքը Իրանի մասին է։ Միլլին պնդում է, որ չգիտի այդ փաստաթղթի մասին։

«Ես այն երբեք չեմ տեսել, և ոչ ոք ինձ չի ասել, թե ինչի մասին է խոսքը»,-ասել է նա։

CNN-ը, վկայակոչելով իր ձեռքի տակ եղած ձայնագրությունը, ավելի վաղ հայտնել էր,որ Թրամփն իր անձնակազմին ցույց է տվել 2021 թվականին «Իրանի վրա հարձակվելու ծրագիր», երբ Սպիտակ տան աշխատակազմի նախկին ղեկավար Մարկ Մեդոուսն աշխատում էր իր հուշերը գրելու վրա: Հեռուստաընկերությունը պնդում է, որ ձայնագրության վրա Թրամփն ասել է, որ Միլին խորհուրդ է տվել հարձակվել Իրանի վրա: Մեդոուսն իր «The Chief's Chief» գրքում գրել է, որ Միլին Թրամփին տրամադրել է Իրանի վրա հարձակման չորս էջանոց ծրագիր և բազմիցս խորհուրդ է տվել նախկին նախագահին ռազմական գործողություններ սկսել: