Ձեր վստահելի աղբյուրը

«Ընդհանրապես ինքը կյանքում փախչող տղա է, էն ժամանակ, երբ նա պատվերով լրագրող էր, էն ժամանակից ճանաչում էի, գիտեմ իր տեսակը՝ փախնող, վախկոտ»,-Երևանի ավագանու ընտրություններում քվեարկելուց առաջ հայտարարեց «Մայր Հայաստան» դաշինքի քաղաքապետի թեկնածու Անդրանիկ Թեևանյանը՝ անդրադառնալով նախընտրական հանրահավաքի ժամանակ Նիկոլ Փաշինյանի արած հայտարարությանը, թե ընդդիմությունը վախեցավ նախընտրական հեռուստաբանավեճին մասնակցելուց:

Նա տարակուսեց, որ դասալիքը, դեպքի վայրից ծլկողը խոսում է փախչելուց, ժողովրդի աչքի մեջ նայելուց և նշեց, որ այդ դեպքում ինքն ասելիք չունի:

«Օգոստոսի 23-ին, երբ մեկնարկել էր քարոզարշավը, ես կոչ արեցի, որ նա մեյդան դուրս գա, ինչպե՞ս էր 2018 թվին մեյդան դուրս եկել, ծղրոտոցով ինչ-որ կոչեր էր արել և քաղաքապետի ընտրության էր մասնակցում, մարդկանց սևերի ու սպիտակների էր բաժանել: Ես կոչ արեցի, որ մասնակցի և մեյդան դուրս գա, բայց գլուխը բնից չհանեց»,-հայտարարեց Անդրանիկ Թևանյանը:

Նա անդրադարձավ նաև Փաշինյանի այն հայտարարությանը, թե այրունով Երևանը գրավելու դեպքում ընդդիմադիրենրին ասֆալտ կուտեցնի և բորդյուրները լիզել կտա:

«Լիզել» բառն իր մոտ շատ է կրկնվում, հոգեբաններն ասում են՝ ում մոտ ինչը որ ցավում է,  դրանից էլ խոսում է: Հավնաբար. այդ լիզելու հետ կապված ինչ-որ խնդիր ունի, այդ պատճառով է այդ բառը հաճախ օգտագործում: Ֆրեյդն ասում է, որ միայն սիգարն է երբեմն սիգար ծառայում, բայց «լիզել» և «ուտել» բառերը հաճախ են կրկնվում, ըստ երևույթի փոքր տարիքից եկած հանգամանք է իր մոտ: Մնացածը թող հոգեբանները պատասխանեն, բաներ կան, որ քաղաքական դաշտից դուրս են»,- ասաց Թևանյանը:

Անդրադանալով ընտրության գործընթացին «Մայր Հայաստան» դաշինքի թեկանծուների ցուցակը գլխավորող Անդրանիկ Թևանյանը հայտարարեց, թե գործող իշխանությունները պետք է հեռացվեն, որպեսզի  էրդողանը Երևանի ընտրությունների կազմը և կառուցվածքը չորոշի:

Նա նաև անդրադարձավ Էրդողանի առաջարկած Արցախի խնդրի կարգավորման 2+2 ֆորմատին՝ կարծիք հայտնելով, որ այն արել է Նիկոլ Փաշինյանի հետ հեռախոսազրույցից հետո:

«Սա կարևոր է, փաստորեն Էրդողանը Փաշինյանի հետ պայմանավորվել է, որպեսզի քառակողմ հանդիպումը կայանա, իրար հետ պասերով էլ խաղում են, ըստ երևույթին»,-հայտարարեց Թևանյանը և նկատեց, որ այդ կերպ նաև տարածաշրջանից դուրս են մղում Իրանին: