Քաղաքապետարանը պետք է այնքան հասանելի լինի, որ մարդիկ չզանգահարեն ինձ և ասեն՝ Ձեզ ընկանք, բայց թեժ գծին չընկանք.Խաժակյան

Քաղաքական 14:10 17/09/2023 Հայաստան

Քաղաքապետարանը պետք է այնքան հասանելի լինի, որ մարդիկ չզանգահարեն ինձ և ասեն՝ Ձեզ ընկանք, բայց թեժ գծին չընկանք.Խաժակյան

«Քվեարկել եմ հանուն եվրոպական մոդելի մայրաքաղաքի, հանուն զարգացող և հարմարավետ քաղաքի, աշխատող քաղաքապետարանի, ավագանու»,- քվեարկության սրահից դուրս գալուց հետո լրգրողներին ասաց «Լուսավոր Հայաստան» կուսակցության կողմից առաջադրված քաղաքապետի թեկնածու Դավիթ Խաժակյանը:

Նա հայտարարեց, որ մայրաքաղաքը շատ բանի անհրաժեշտություն ունեն և հույս հայտնեց, որ քվերակությունն հենց դրան էլ կծառայի:

Խաժակյանը հայտնեց, որ ընտրություններից հետո ընթացակարգային լուրջ փոփոխություններ պետք է իրականացվեն քաղաքապետարանի վարչություններում, որովհետև բյուրոկրատիան չափազանց ծանր է և ընթացակարգերը պետք է թեթևացվեն, ինպետս նաև հաստիքացուցակը պետք է վերանայվի:

«Քաղաքապետարանը պետք է այնքան հասանելի լինի, որ մարդիկ չզանգահարեն ինձ և ասեն՝ Ձեզ ընկանք, բայց թեժ գծին չընկանք: Այս առումով մենք պատկերացնում ենք այդ փոփոխությունները և դրանք երկար չեն տևի»,-հայտարարեց քաղաքապետի թեկնածուն:

Նա ասաց, որ ընտրություններին մասնակցության վերաբերյալ որոշ տվյալների տիրապետում է, որոնք ցույց են տալիս ցածր ցուցանիշներ:

«Ամեե դեպքում ակնհայտ է, որ ընտրություններին մասնակցությունը 2018 թվականի մակարդակին չի հասնի, բայց ես հույս ունեմ, որ նաև այս օրը և մարդկանց հորդորը կնպաստի, որ մասնակցեն քվեարկեն, որովհետև 5 տարվա Երևանի կառավարումը կախված է հենց այս օրվանից»,-կոչ արեց Դավիթ Խաժակյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: