Ընտրողների պասիվությունն յուրօրինակ դեմարշ է իշխանության նկատմամբ. Նորայր Նորիկյան

Քաղաքական 15:33 17/09/2023 Հայաստան

Ընտրողների պասիվությունն յուրօրինակ դեմարշ է իշխանության նկատմամբ. Նորայր Նորիկյան

«Մտավախությունս՝ մասնակիցների ցածր թիվն է ընտրական տեղամասերում»,-քվեարկելուց հետո հայտնեց «Արդար Հայաստան» կուսակցության քաղաքապետի թեկնածու Նորայր Նորիկյանը, նշելով, որ ԿԸՀ-ի հրապարակած մասնկցության թվերը, որոնք ժամը 11-ի դրությամբ էին, չափազանց ցածր են:

Նրա խոսքով՝ Երևանի ավագանու ընտրությունները յուրօրինակ ուղերձ են լինելու ինչպես երկրի հասարակությանը, այնպես էլ միջազգային հանրությանը՝ առ այն, որ Հայաստանի Հանրապետությունը ինչպիսի արժեքային համակարգի վրա է այս պահին գտնվում:

Նա հայտնեց, որ արձանագրվել է վարչական ռեսուրսների՝ ամբողջ ծավալով կիրառում, ինչպես նաև մեկ հասցեում մի քանի տասնյակ օտարազգի ընտրողների գրանցման դեպքեր:

«Ընտրողների պասիվությունն յուրօրինակ դեմարշ է իշխանության նկատմամբ, որովհետև ամբողջ քարոզարշավի ընթացքում քաղաքացիների արտահայտած միտքն հետևյալն էր՝ մի անգամ էլ վստահեցինք, ի՞նչ եղավ»,-հայտարարեց Նորայր Նորիկյան և նշեց, որ երբեք չէր ցանկանա քաղաքացուն նման հուսալքված տեսնել:

Նա հորդորեց ժողովրդին կատարել ընտրություն, իրացնել իրնց հիմնարար իրավունքը և ձևավորել նոր իշխանություն, որը արմատապես փոփոխվծ կլինի:

Նորիկյանը նաև տարակուսեց, որ լռության օրվա նախորդ օրը ՔՊ-ն շրջաններից մարդկանց էր բերել հանրահավաքի և վարչական ռեսուրսներն էլ օգտագործելով փորձում էր իր մկանները ցույց տալ, բայց այն ամբողջովին տեղավորվում է նախկին իշխանությունների գործելաոճի մեջ:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: