Ձեր վստահելի աղբյուրը

Երևանի ավագանու ընրություններին մասնակցում է 13 կուսակցութուն և 1 դաշինք։  Panorama.am-ը մեկ տեղ է հավաքել տեղեկությունները, թե երբ ու որտեղ են քվեարկելու քաղաքական ուժերի ընտրական ցուցակները գլխավորող թեկնածուները: Նրանց մեծ մասը քվեարկելու է Արաբկիրում և Կենտրոնում ուղիղ կեսօրին։

1. «Հանրային ձայն» կուսակցություն
«Հանրային Ձայն» կուսակցության քաղաքապետի թեկնածու Արտակ Գալստյանը կալանավորված է։ «Իրավունք»-ը հայտնում է, որ թեկնածուի ասելիքը լրագրողներին կփոխանցի ցուցակի 4-րդ համարը՝ Վահան Ավագյանը: Նա քվեարկելու է Աջափնյակ վարչական շրջանի Արզումանյան փողոցի վրա գտնվող 131 դպրոցում, ժամը՝ 13:00-ին:

2. «Քաղաքացիական պայմանագիր» կուսակցություն
Տիգրան Ավինյանը վաղը` սեպտեմբերի 17-ին, քվեարկելու է 9/53 տեղամասում, ժամը՝ 13:00-ին: Տեղամասի հասցեն՝ ՀՊՄՀ-ի հենակետային վարժարան, Դեղատան 17:

3.«Արդար Հայաստան» կուսակցություն
Նորիկ Նորիկյանը կքվեարկի Մալաթիա-Սեբաստիա վարչական շրջանում՝ 7/46 ընտրատեղամասում։ Ժամը դեռ հայտնի չէ։

4.«Հաղթանակ» կուսակցություն
Վիկտոր Մնացականյանը այսօր քվեարկելու է Երևանի Ալեքսանդր Պուշկինի անվան թիվ 8
հիմնական դպրոցի ընտատեղամասում, ժամը 11:00:

5.«Ուժը հայրենյաց» կուսակցություն
Նելլի Հարությունյանը կքվեարկի Արաբկիր վարչական շրջանում տեղեկայված 4/17 ընտրատեղամասում։ Ժամը դեռ հայտնի չէ։

6. «Հայաստանի եվրոպական կուսակցություն»
Տիգրան Խզմալյանը կքվեարկի 9/18 ընտրատեղամասում՝ Կենտրոն վարչական շրջանում:

7.«Ազգային առաջընթաց» կուսակցություն
Հայկ Մարությանը կքվեարկի 4/53 ընտրատեղամասում՝ Արաբկիր վարչական շրջան, ժամը՝ 15:00-ին:

8.«Հանուն սոցիալական արդարության» կուսակցություն
ՀԱՍԱԿ նախագահ Արման Ղուկասյանը վաղը, սեպտեմբերի 17-ին, ժամը 12:00-ին կքվեարկի Սպանդարյանի անվան թիվ 24 դպրոցում։

9.«Հանրապետություն» կուսակցություն
Արտակ Զեյնալյանը կընտրի Արաբկիր վարչական շրջանում՝ Վ. Վաղարշյան 12 հասցեում գտնվող 4/30 ընտրատեղամասում, ժամը 12:00-ին:

10.«Միացյալ Հայաստան» կուսակցություն
Երվանդ Թարվերդյանը ժամը 13։00֊ին, քվեարկելու է Արաբկիր վարչական շրջանի 4/14 ընտրատեղամասում (Ռուբեն Սևակի անվան թիվ 151 դպրոց)։

11.«Լուսավոր Հայաստան» կուսակցություն
Սեպտեմբերի 17-ին ժամը 12:00-ին ԼՀԿ քաղաքապետի թեկնածու՝ Դավիթ Խաժակյանը Պարույր Սևակ- Դրո խաչմերուկի այգուց քայլելու է ընտրական տեղամաս:

12. «Ժողովրդավարական համախմբում» կուսակցություն
Սուրեն Պետրոսյանը կքվեարկի Արաբկիրում՝ 4/49 ընտրատեղամասում:

13.  «Ապրելու երկիր» կուսակցություն
«Ապրելու երկիր» կուսակցության նախագահ, քաղաքապետի թեկնածու Մանե Թանդիլյանը սեպտեմբերի 17-ին՝ ժամը 14։00-ին՝  կքվեարկի թիվ 9/26 ընտրատեղամասում՝ Եղիշե Չարենցի անվան դպրոցում  (Կենտրոն վարչական շրջան, Ամիրյան փող., 9 շենք)։

14.  «Մայր Հայաստան» դաշինք
«Մայր Հայաստան» դաշինքի առաջնորդ Անդրանիկ Թևանյանը սեպտեմբերի 17-ին կքվեարկի ժամը 12։00-ին՝  9/47 ընտրատեղամասում, որը տեղակայված է Չայկովսկու անվան երաժշտական դպրոցում՝ Կողբացու 36 հասցեում։