Ձեր վստահելի աղբյուրը

Երևանի ավագանու ընտրությունների մասնակից ուժերն այսօրվանից կարող են ԿԸՀ վերահաշվարկի դիմում ներկայացնել։ ԿԸՀ նախագահ Վահագն Հովակիմյանն այսօր հայտարարեց, որ դիմումների ընդունուը սկսվում է այսօր ժամը 12։00-ից մինչև ժամը18։00-ն, շարունակվելու  է վաղը՝ 09։00-11։00-ն։

Նա հայտնեց, որ վերահաշվարկի դիմումներ կարող են ներկայացնել ընտրություններին մասնակցած քաղաքական ուժերի վստահված անձինք։

«Վերահաշվարկի դիմում  կարող է ներկայացվել նաև ընտրատարածքային ընտրական հանձնաժողովրի նախաձեռնությամբ այն տեղամասերի հետ կապված, որոնդ դեպքում արդյունքների ամփոփման ժամանակ խնդիրներ էին արձանագրվել»,- ասաց  ԿԸՀ նախագահը։

Հիշեցնենք, որ այսօր ԿԸՀ-ն ամփոփել է նախօրեին կայացած Երևանի ավագանու ընտրությունների նախնական արդյունքները։ Ըստ այդմ՝ Երևան համայնքի ընտրողների ռեգիստրում հաշվառված  824 250 քաղաքացուց քվեարկությանը մասնակցել է 234 436 քաղաքացի կամ ընտրական իրավունք ունեցող քաղաքացիների 28.44 տոկոս։ Նախնական արդյունքներով, քաղաքական 5 ուժ է հաղթահարել անցողիկ շեմը. կուսակցությունների համար անցողիկ նվազագույն շեմը 4 տոկոսն է, դաշինքի համար՝ 6 տոկոսը: Այդ ուժերն են՝  ՔՊ-ի օգտին քվեարկել է ընդամենը 75.463 ընտրող, որը կազմում է քվեարկությանը մասնակցածների 32.57 տոկոսը,  երկրորդ տեղում է «Ազգային առաջընթացը» 18.89 տոկոսով  (43.765), երրորդ տեղում է «Մայր Հայաստանը» 15.43 տոկոսով (35.739), չորրորդ՝ «Հանրապետությունը» 11.32 տոկոսով (26.236), հինգերորդ՝ «Հանրային ձայնը» 9.68 տոկոսով (22.431)։