Ձեր վստահելի աղբյուրը

«Այս իշխանությանը հասցվել է բավական լուրջ հարված։ Մենք արձանագրում ենք, որ Նիկոլ Փաշինյանն ու իր ղեկավարած խմբակը չեն կարողացել իրենց ուզածը ստանալ»,-քվեարկության նախնական արդյունքների հրապարակմանն այսպես է արձագանքել  «Մայր Հայաստան» դաշինքի ընտրական ցուցակը գլխավորող Անդրանիկ Թևանյանը՝ նշելով, որ արդյունքների հրապարակման ընթացքում ԿԸՀ ցուցաբերած դանդաղկոտությունը կասկածի տեղիք է տալիս։

Հիշեցնենք, որ ԿԸՀ-ն ավելի ուշ հրապարակեց բոլոր ընտրատեղամսերի արդյունքները,  ըստ որոնց, «Մայր Հայաստան» դաշինքը ստացել է 35․739 ձայն (15.43%)։

Թևանյանի խոսքով, սա իշխանափոխության առաջին քայլն է։

«Զինվեք համբերությամբ։ Մի բան պարզ է, այս իշխանությունը չունի հանրային վստահություն, լեգիտիմություն, և նույնիսկ նման ընտրությունների պարագայում, իրենք չեն կարողացել իրենց առջև դրված խնդիրը լուծել։ Կարծում ենք, որ կան հնարավորություններ, այս գործընթացը վերածելու պայքարի ու իշխանափոխության։ Պատրաստ եղեք»,-ասաղ Թևանյանը։