Ձեր վստահելի աղբյուրը

«Ցանկացած րոպե, ուշացում կյանք է արժենում։  Տեղեկություններ կան, որ Արցախում վիրավոր երեխաներ են տեղափոխվել մանկական հիվանդանոց»,-ՀՀ կառավարության մոտ ակցիայի ժամանակ ասաց արցախցի ուսանողը։

Նա նշեց՝ պահանջում են ՀՀ իշխանություն կոչվածներից նախ և առաջ ոչ թե դիրքորոշում հայտնել  3-4-րդ երկրի նման, այլ տեր կանգել Արցախին, 120 հազար արցախահայությունը։

«Նույն վիճակը կարող է լինել Հայաստանի տարբեր անկյուններում, նույն ձևի են արձագանքելու»,- ասաց արցախցի երիտասարդը։

Նա պահանջում է, որ Հայաստանն այս պահին ճանաչի Արցախի անկախությունը. «Էլ ե՞րբ պետք է արվի, եթե այս պահին 120 հազար հայ ցեղասպանվում է իր հողի վրա, էլ ինչի՞ համար է պահվում այդ հնարավորությունը։

Սպասում ենք արձագանքների, թող արձագանքեն։ Սահմանադրությամբ պարտավոր են տեր կանգնել իրենց յուրաքանչյուր քաղաքացու։ Սահմանադրությամբ Արցախի Հանրապետության անվտանգության երաշխավորը Հայաստանն է, թող երաշխավորեն այդ անվտանգությունը»,- ասաց նա։