Ձեր վստահելի աղբյուրը

«Երկու պատերազմի մասնակից եմ և գտնում եմ, որ այս կառավարությունը՝ պարտվողը, պետք է հրաժարական տա, ոչ թե նստի աթոռին և էս ոստիկաններին շարի իրեն պահապան»,-Panorama.am-ի հետ զրույցում ասաց կառավարության շենքի դիմաց բողոքի ակցիային մասնակցող ազատամարտիկը։

Նա նշեց, որ բլոկադայի մեջ գտնվող Արցախցին ցույց չի տալիս, որ կոտրված է, բայց իրականում կոտրված է:

Ազատամարտիկը տեղեկացրեց, որ եղբոր դուստրն ապրում է Արցախում, ու երբ հեռախոսով խոսում է նրան հետ, ասում է, թե լավ են, բայց ինքը գիտի, որ բլոկադայի մեջ գտնվողների սիրտը կոտրված է:

Նկատելով, որ ակցիային շատ քիչ մարդիկ եմ մասնակցում՝ ազատամարտիկն ասաց, որ ողջ հայ ժողովուրդը պետք է ոտքի կանգնի, որ թափթպուկները չկառավարեն:

«Ժողովուրդը մտածում է, թե ում ընտրի, որ հայ ազգի վիճկաը լավանա, գնալով հայ ազգի վիճկը վատանում է, ու կվատանա, ես վախենում եմ, որ վաղը մյուս օրը չասեն Հայաստանի Հանրապետություն, այլ ասեն Երևանի Հանարապետություն, ուր է մեր ծովից  ծով Հայաստանը, այսօր չկա»,-մտահոգվեց ազատամարտիկը:

Նա ասաց, որ միշտ մտածում է Սուրբ Գրիգոր Լուսավորիչ եկեղեցու ճակատագրի մասին:

«Վաղը Սուրբ Գրիգոր Լուսավորիչ եկեղեցին կքանդեն, տեղը կսարքեն էլիտար շենքեր, թուրքերին կբերեն, կասեն՝ ձեր տարածքն է եղել՝ ապրեք»,-կանխատեսեց ազատամարտիկը՝ հիշելով Ալիևի խոսքերը Երևանի մասին::