Այս իշխանությունները հայությանը տանում են Դեր Զոր ճանապարհով և ինչ տեսնում ենք Արցախում՝ այդ ճանապարհի սկիզբն է. Ալավերդյան

Քաղաքական 15:56 20/09/2023

Այս իշխանությունները հայությանը տանում են Դեր Զոր ճանապարհով և ինչ տեսնում ենք Արցախում՝ այդ ճանապարհի սկիզբն է. Ալավերդյան

«Նրանք, ովքեր այսօր ասում են, որ վերջ, Արցախը տրված է, սխալվում են երկու առումով»,- կառավարության մոտ բողոքի ակցիայի ժամանակ ասաց «Ընդդեմ իրավական կամայականությունների» ՀԿ նախագահ, ՀՀ Մարդու իրավունքների առաջին պաշտպան Լարիսա Ալավերդյանը։

Նա նշեց, որ նախ՝ պատմությունը վերջ չունի. «Այսօր խոստանանք, որ մենք վերադառնալու ենք մեր հայրենիքը։ Մեր հայրենիքը մերն է, չի կարող լինել ուրիշներինը»։

Երկրորդ, Լ.Ալավերդյանի խոսքով, պետք է հստակեցնել՝ այս ամենը տեղի է ունեցել գաղտնի և հանցավոր պայմանավորվածությունների շնորհիվ, այսինքն դա հանցագործություն է և ոչ միայն Հայաստանի այս օրվա իշխանությունների՝ կենդանի դիակների կողմից, ովքեր հոգի չունեն, միայն մարմիններ՝ թիկնապահների կողմից պահվող, այլ Շառլ Միշելը, Բորելը, Բլիկենը, Լավրովը, ... որոնք ձևացնում են, որ չեն հասկանում, որ բանավոր որևէ հայտարարություն, որը չի անցել իրավական համակարգ, չի կարելի մեջբերումներ անել։

«Դե որ Հայաստանը համաձայնել է, չի համաձայնվել... համաձայնվել է հայատյաց, ամբողջովին ատելությամբ և արյունարբու մի անձնավորության կողմից, որն այն գլխից ատում էր թե արցախահայությանը, թե հայությանը։

Այս իշխանությունները հայությանը տանում են Դեր Զորի ճանապարհով և այն, ինչ տեսնում ենք Արցախում, Դեր Զորի ճանապարհի սկզբն է»,- ասաց Լարիսա Ալավերդյանը։

Խոսելով ելքերի մասին, նա ասաց. «Խնդիրն այն է, որ մարդիկ չեն կարողացել մինչև հիմա միասնական ծրագրով հանդես գալ: Եթե այդ նույն ուժերը այսօր ժամը 7-ին չկարողանան միասնական ծրագրով հանդես գալ, նշանակում է՝ նրանք նույնքան կենդանի դիակներ են, ինչպես իշխանությունները»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: