Ձեր վստահելի աղբյուրը

«Անցնում ենք գործողությունների 24/7 ռեժիմով. սկսում ենք ժամը 18։00-ից։ Հավաքվում ենք Հանրապետության հրապարակում»,- ֆեյսբուքյան ուղիղ եթերում ասում է «Մայր Հայաստան» դաշինքի ղեկավար, ԱԺ նախկին պատգամավոր Անդրանիկ Թևանյանը։

Նա նշում է, որ Փաշինյանը բոլորից բոլոր հնարավոր տոները, հաղթանակները գողացել է, հիմա ստիպված են սեպտեմբերի 21-ին տոնել ոչ թե անկախության օրը, այլ քննարկել անկախության փրկության և Արցախի փրկության հնարավորությունը։

«Արցախում սարսափելի վիճակ է։ Մեր պետությունը պետք է արձագանքներ այս ամեն ինչին, սատար կանգներ մեր 120 հազար հայրենակիցներին, չի անում, ու քանի որ մենք դեռ չենք կարողանում դա անել, մեր առաջնային խնդիրը պետք է լինի այս իրավիճակից դուրս գալու համար իշխանության փոփոխությունը հնարավորինս սեղմ ժամկետերում և հնարվորինս արդյունավետ եղանակով, որպեսզի կարողանանք խուսափել տարբեր տիպի զարգացումներից և Արցախում և Հայաստանում։

Մեր կարևորագույն  խնդիրը նաև պետք է լինի այն, որ կարողանանք պաշտպանել  մեր քաղաքացիներին Արցախում և կարողանանք բոլոր տիպի սցենարներին պատրաստ լինել։

Այս պահին ամենակարևոր խնդիրը Հայաստանում փոփոխություններ իրականացնելն է,  Փաշինյանին հեռացնելը, և մենք այդ գործողությունների հետ կապված արդեն կոնկրետ քայլերի պետք է գնանք ու այդ քայլերն այսօր ժամը 6-ին Հրապարակում  կներկայացվեն։ Կներկայացվեն գործողությունների ծրագրերը, որոնք պետք է հանգեցնեն Փաշինյանի հեռացմանը, արցախահայության պաշտպանությանը»,- ասում է Ա. Թևանյանը։