![](https://panorama.am/news_images/967/2899492_1/f650bcc63b7ee9_650bcc63b7f29.thumb.jpg)
«Ժողովուրդ». Ինչ հերթական զգուշացնող SMS են ստացել ՔՊ-ականները
«Ժողովուրդ» թերթը գրում է.
««Ժողովուրդ» օրաթերթը տեղեկացավ, որ իշխող ՔՊ-ականները սեպտեմբերի 19-ին ստացել են հերթական զգուշացնող SMS-ը, որ պետք է զգույշ լինել, ոչինչ չխոսել, փողոց միայնակ դուրս չգալ և անզգույշ հայտարարություններ չանել երկրի իրավիճակի վերաբերյալ:
Միայն մի քաղաքական մեսիջ են ստացել նրանք, այն է՝ Արցախի հարցերին Հայաստանը չի խառնվի, սակայն Հայաստանի Հանրապետության 29.600 քառակուսի կիլոմետր տարածքը պետք է պահպանվի, ու պետք է Հայաստանը պահպանի իր ինքնիշխանությունը: Շատ ՔՊ-ական պատգամավորներ, ավագանիներ, պաշտոնյաներ նույն տեքստը տարբեր խմբագրումներով երեկվանից սկսել են տարածել, որ ՀՀ ինքնիշխանությունը կարմիր գիծ է:
Այնպիսի պաթոսով համեմված են արտահայտում այդ միտքը, որ թվում է՝ հերոսություն են անում: Իրականում ՔՊ և Նիկոլ Փաշինյանի վարած քաղաքականության հետևանքով է, որ Հայաստանն այն վիճակում է հայտնվել, որ մեր երկրի անկախությունն ու ինքնիշխանությունը սարսափելի վտանգի մեջ են, ու կառավարման տկարություն դրսևորող իշխանությունները փորձում են փրկել մեր դարավոր երազանքի մարմնացում պետականությունը»։
Մանրամասները թերթի այսօրվա համարում
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան