![](https://panorama.am/news_images/967/2900150_1/f650c9331518a0_650c9331518df.thumb.png)
Հայաստանում ՌԴ դեսպանատունը հայտնում է Ադրբեջանի ԶՈւ-ի գնդակոծության հետևանքով 6 խաղաղապահի զոհվելու մասին
Ռուս խաղաղապահները ջանքեր են գործադրում՝ պաշտպանելու Ղարաբաղի խաղաղ բնակչությանը ծայրահեղ ծանր իրավիճակում, այդ թվում՝ կյանքը վտանգի տակ դնելով: Այդ մասին ասվում է ՀՀ-ում ՌԴ դեսպանատան հաղորդագրության մեջ։
«Տեղում չափազանց բարդ իրավիճակում ռուսական խաղաղապահ զորախմբի անձնակազմը գտնվում է այն վայրերում, որտեղ առաջադրանքներ է կատարում, շուրջօրյա վերահսկում է իրավիճակը և Լեռնային Ղարաբաղի խաղաղ բնակչությանը պաշտպանելու համար ակտիվ ջանքեր գործադրում, այդ թվում՝ վտանգելով իրենց կյանքը»,-ասվում է դիվանագիտական առաքելության հեռագրային ալիքում հրապարակված հայտարարության մեջ։
Դեսպանատունը նշել է, որ Ղարաբաղում մարտերի ժամանակ խաղաղապահ զորակազմի ուժերը կազմակերպել են խաղաղ բնակչության տարհանում ամենավտանգավոր շրջաններից և տուժածներին բժշկական օգնություն ցուցաբերել՝ բազային ճամբարում և անհատական դիտակետերում նրնց տեղավորելու միջոցով:
«Հենց երեկ ավելի քան 8 հազար քաղաքացիների, նաև՝ երեխաների նախատեսված վայրերերում օգնություն է ցուցաբերվել, այդ թվում՝ սնունդով և հանգուստով»,-ասվում է հաղորդագրությունում։
«Խաղաղապահ առաջադրանքների կատարման ընթացքում զոհվել է վեց զինծառայող, մի քանի հոգի վիրավորվել են տարբեր աստիճանի ծանրության: Միջադեպի հանգամանքները պարզվում են: Դեսպանությունն իր խորին ցավակցությունն է հայտնում զոհված և վիրավոր զինծառայողների ընտանիքներին և ընկերներին: Ռուսական խաղաղապահ զորախումբը, որը տեղակայման առաջին իսկ օրվանից համալիր առաջադրանքներ է կատարում՝ գործնական օգնություն ցույց տալու Լեռնային Ղարաբաղի բնակչության կենսական կարիքները ապահովելու համար»,-ասվում է դիվանագիտական առաքելության հայտարարության մեջ։
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան