Ձեր վստահելի աղբյուրը

ՀՀ նախկին վարչապետ, Ազգային կոմիտեի անդամ Վազգեն Մանուկյանը կարծում է, որ երեկ ձևավորված Ազգային կոմիտեի կազմը պետք է ընդլայնվի։ Կառավարության մոտ լրագրողների հետ զրույցում նա ասաց, որ պետք է տարբեր կառույցների ներկայացուցիչներ լինեն՝ հարգված մարդիկ, եկեղեցու ներկայացուցիչներ, մեծ կառույցների  ներկայացուցիչներ, որպեսզի կարողանան ժողովրդին բացատրել, թե իշխանափոխությունից հետո ինչ է սպասվում։

Հարցին՝ իշխանափոխության հասնելու դեպքում իր թեկնածությունը քննարկվո՞ւմ է վարչապետի պաշտոնում, Մանուկյանն ասաց. «Այդպիսի հավակնություն չունեմ։

Գտնում եմ նախկին երեք նախագահներից ոչ ոք Հայաստանի ղեկավար չպետք է լինի, որովհետև սխալ է հետ գնալը։ Գտնում եմ ամեն մեկն իր դրականն էլ է արել,  բացասականն էլ։ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի ժամանակ տեղի են ունեցել և զարգացում, և  կոպիտ սխալներ, անարդարության էլեմետներ։ Մենք ուզում ենք առաջ գնալ։ Առաջ գնալու համար նախկին ղեկավարներին բերելը ճիշտ չէ»։