![](https://panorama.am/news_images/967/2900228_1/376676490_266398119689631_9155905174799046465_n.thumb.jpg)
Աշտարակ-Ապարան ճանապարհին մեքենաների բախումից ավտոքարշակն ու բեռնատարը բռնկվել են
Սեպտեմբերի 22-ին, ժամը 03։06-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշտարակ-Ապարան ավտոճանապարհին՝ Տառերի պուրակի մոտակայքում, այրվում է ավտոքարշակ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Opel» մակնիշի ավտոմեքենան (վարորդ՝ Ս. Ա.), «Ford Transit» մակնիշի ավտոքարշակը (վարորդ՝ Մ. Ղ.) և մեկ այլ «Ford Transit» մակնիշի բեռնատար (վարորդ՝ Տ. Զ.), ինչի հետևանքով ավտոքարշակը և բեռնատարը բռնկվել են։
Հրդեհը մեկուսացվել է ժամը 03։41-ին, մարվել՝ 04։15-ին։ Այրվել են ավտոքարշակի խցիկը և բեռնատարի բեռնախցիկը․ տուժածներ չկան։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան