Ձեր վստահելի աղբյուրը

«Փաստ» թերթը գրում է.

««Փաստ» թերթն այս օրերին անընդհատ տեղեկություններ է ստանում, որ այն, ինչ անում է Նիկոլ Փաշինյանը, ոչ միայն ժողովրդի, այլև մի շարք քպականների ու պետական կառույցների պաշտոնյաների սրտով չէ: Մեր ունեցած տեղեկություններով, արդեն իսկ մի շարք ոստիկաններ համակարգից դուրս գալու դիմումներ են գրել՝ չցանկանալով կոտորել սեփական ժողովրդին:

Կան նաև բազմաթիվ պաշտոնյաներ, որոնք ցանկանում են աշխատանքից ազատվելու դիմում գրել: Քիչ չեն նաև քպականները, որոնք ուզում են դուրս գալ կուսակցությունից, ասում են, որ ամաչում են մարդամեջ դուրս գալ: Սակայն մեր աղբյուրը փոխանցեց, որ նրանցից շատերը վախենում են ոչ այնքան անաշխատանք մնալուց, որքան հանրության առջև պատասխանատվությունից: Մեր զրուցակիցը նշեց, որ անհանգստությունը վերաբերում է հատկապես նրան, որ իրենց չի ներվելու պատերազմից հետո Նիկոլ Փաշինյանի «պոչը բռնելու» որոշումը՝ լինի դա կամավոր, թե այլ ելք չունենալով:

Մեր ունեցած տեղեկություններով, այդ մարդիկ սպասում են, որ ընդդիմության առաջնորդները կհայտարարեն հիմա «ուշքի եկած» քպականների ու պաշտոնյաներին հետագայում ներելու մասին: Ընդ որում, խոսքը ոչ թե ղեկավար կազմի, այսպես կոչված՝ «առաջին գծի» մասին է, այլ միջին օղակների»։

Մանրամասները թերթի այսօրվա համարում