Ձեր վստահելի աղբյուրը

«Վերջին տարիներին Հայաստանի դեմ Ադրբեջանի ձեռնարկած հարձակումները ակնհայտ եզրակացության են բերում, որ արտաքին անվտանգության  յն համակարգերը, որոնց ներգրավված ենք, արդյունավետ չեն Հայաստանի պետական շաերի ու անվտանգության  տեսակետից»,- ուղիղ եթերում հայտարարեց Նիկոլ Փաշինյանը:

Նա նշեց, որ սա երևաց թե 44-օրյա պատերազմի ժամանակ, թե 2021 թվականին, թե 2022-ի սեպտեմբերին:

«Ի հեճուկս 2020 թվականի նոյեմբերի 9-ի եռակողմ հայտարարության` Լեռնային հայությունն այսօր էլ էթնիկ զտումների վտանգի առաջ է։ Վերջին օրերին ԼՂ հումանիտար բեռներ մուտք է տեղի ունեցել, բայց դա իրադրությունը չի փոխում:

Եթե  ԼՂ հայերի` իրենց տներում ապրելու իրական պայմաններ ու էթնիկ զտումներից պաշտպանության գործուն մեխանիզմներ չստեղծվեն, հավանակությունը, որ ԼՂ հայերը իրենց կյանքն ու ինքնությունը փրկելու միակ միջոց կտեսնեն հեռացումն իրենց հայրենիքից, չափազանց մեծանում է»,- իր ուղերձում աաց նա:

Փաշինյանի կարծիքով, իրադարձությունների նման զարգացման պատասխանատվությունն ամբողջությամբ կընկնի էթնիկ զտումների քաղաքականությունը որդեգրած Ադրբեջանի ու ԼՂ-ում ռուս խաղաղապահների վրա:

Կառավարությունը ներկայացրել է Նիկոլ Փաշինյանի ուղերձի «կարևոր կետերը».

Լեռնային Ղարաբաղի հայությունն այսօր էլ էթնիկ զտումների վտանգի առաջ է: Վերջին օրերին Լեռնային Ղարաբաղ հումանիտար բեռների մուտք է տեղի ունեցել, բայց սա իրադրությունը չի փոխում:

Եթե ջանքերը կոնկրետ արդյունքներ չտան, կառավարությունը Լեռնային Ղարաբաղի մեր քույրերին և եղբայրներին ամենայն հոգատարությամբ կընդունի Հայաստանի Հանրապետությունում:

Իրադարձությունների վերլուծությունը ցույց է տալիս, որ անվտանգության այն համակարգերը և այն դաշնակիցները, որոնց վրա երկար տարիներ մենք հույս ենք դրել, մեր խոցելիություններն ի ցույց դնելու և հայ ժողովրդի անկախ պետություն ունենալու անհնարինությունը հիմնավորելու խնդիր են դրել:

Մենք անկախությունը կասկածի տակ դնող ձեւակերպումներին երբեք չենք համաձայնվել։

Մենք կոչ ենք անում և հորդորում ենք մեր գործընկերներին հարգել մեր պետությունն ու ինքնիշխանությունը և մեր վճռական կամքն ենք արտահայտում ուժեղացնելու մեր պետականությունը, ինքնիշխանությունը, ժողովրդավարությունը, արտաքին և ներքին անվտանգությունը:

Միջազգային հանրությանը կոչ ենք անում անսասան աջակացություն հայտնել Հայաստանի անկախությանը, ինքնիշխանությանը, տարածքային ամբողջականությանն ու ժողովրդավարությանը:

Հռոմի ստատուտը վավերացնելու որոշումը մենք կայացրինք 2022 թ. դեկտեմբերին, երբ բոլորիս համար ակնհայտ դարձավ, որ ՀԱՊԿ և հայ-ռուսական ռազմավարական գործընկերության գործիքները բավարար չեն Հայաստանի արտաքին անվտանգությունն ապահովելու համար:

Ուղերձն ամնողջությամբ՝ տեսանյութում։