Ձեր վստահելի աղբյուրը

Մայրաքաղաքում վաղ առավոտից մեկնարկել են անհնազանդության ակցիաները։ Որոշ հատվածներում, որտեղ փորձում են փողոցներ փակել,  կարմիր բերետավորները բերման են ենթարկում քաղաքացիներին:

Ըստ ոստիկանների՝ քաղաքացիների գործողություներն անօրինական են։

ԱԺ «Պատիվ ունեմ» խմբակցության քարտուղար Տիգրան Աբրահամյանը, որ նույնպես մասնակցում է Արցախի համար իրականացվող բողոքի ակցիային, ֆեյղբուքյան իր էջում գրել է.

«Պարզվում է` ոստիկանության պետը, ՆԳ նախարարը երկրում արգելել են խաղաղ հավաքների անցկացումը:

Հասկանում եմ, որ իրենց համար վաղուց օրենքն ու սահմանադրությունը Նիկոլն է, իսկ դավանած արժեքները` անպատվությունն ու փողը, բայց նաև պետք է իմանան, որ այս ամենը մի օր վերջանալու է:

Թումանյան փողոցից մարդկանց` մայթերից, առանց օրինական պահանջ ներկայացնելու, առևանգեցին ու դա այն դեպքում, որ դրան զուգահետ պարեկային ծառայության մայորը համաձայնվել էր ուղեկցել խաղաղ ակցիան:

Ինչ արած, պետք է արձանագրել ու շարունակել պայքարը»։