Ձեր վստահելի աղբյուրը

«Պահը օրհասական է, մենք գտնվում ենք դժոխքի մեջ, այնտեղ փնտրում ենք լույս և ակնկալում ենք, որ ինչ-որ մեկը մեր համար պետք է այն վառի»,-հայտարարեց բժիշկ-ազտամարտիկ Տարոն Տոնոյանը և հավելեց. «Դավաճաններ միք փնտրեք, մենք դավաճանված ենք մեր բոլոր արտաքին դերակատարների կողմից: Էդ մեկը հասկանալի է, բայց նաև դավաճանված ենք ներքին դերակատարների կողմից»:

Նա հայտարարեց, որ քաղաքացիները տանը նստելով հարց չեն լուծի, հետևաբար պետք է դուրս գան պայքարի:

«Ես ձեզ խնդրում եմ՝ ամեն օր մի զարթնեք, որպես նապոլեոնբոնապարտներ, այլ արթնացեք որպես զինվորներ, վստահեք այս հարթակին, քանի որ վերջին երեք տարում չի եղել այլ հարթակ, որ միանաք դրան»,-ասաց Տոնոյանը և հավելեց, որ հարթակը բաց է, բայց պատասխանատվությունը կիսողը չկա՝ ծայրահեղ ծանր վիճակի պատճառով:

Ազատամարտիկի խոսքով, որպեսզի հարցերը լուծվեն հանրությունը չի կարող հրապարակում հարց լուծի, նրա կողքին պետք է լինի պետությունը

«Մենք պետք է պետության հետևից գնանք, նրան սատար կանգնենք, բայց պետության այն ղեկավարը, որը 2020 թվին եկավ իշխանության սիրո և հանդուրժողականության քարոզով, բայաց այն այսօր չկա, 2021թվին ստոր տականքի նման խաբեց ժողովրդին, «Անջատում հանուն Արցախի փրկության» սուտ գաղափարով կորզեց մեր ժողովրդի քվեն,  հայտարարեց, թե խաղաղություն է բերում, բայց պատերազմներ բերեց վերջում էլ Արցախն էլ տվեց»,-հայտարարեց Տոնոյանը և շարունակեց. «Ասում է՝ ինձ համար կարմիր գիծ է «Զանգեզուրի միջանցքը», ես չեմ հավատում, սուտ է ասում,  պայմանավորվել է արդեն՝ հերթական կեղծ պատերազմը պետք է սարքի, Եռաբլուրը պետք է եռապատկի՝ նոր հանգստանա: Վերջում պետք է ասի՝ կռիվ արեցի, որ Հայաստանի մյուս մասը փրկեի»:

Տարոն Տոնոյանը նկատեց, որ Փաշինյանը հանձնելու է նաև անկլավները և ադրբեջանցիներին բնակեցնելու է Հայաստանի շրջաններում:

«Արցախի մեր քույրեն ու եղբայրները որ եկան այստեղ, ոչ մեկիս չեն խնայելու, նրանք իրավունք ունեն, որովհետև արցախյան առաջին պատերազմում Հայաստանի և Արցախի բնակչության համամասնաության իմաստով 15-ապատիկ ավել զոհեր են տվել, իրենք մեր վահանն են եղել 44-օրյա պատերազմում 870-ից ավել զոհ են տվել, իրենք իրավունք ունեն մեզնից պահանջելու»,-ասաց Տոնոյանը և նշեց, որ արցախից բռնագաղթածներին պետք է գրկաբաց ընդունեն:

Նա նաև հայտնեց, որ USID-ի նախագահն առաջին անգամ եկել է Հայաստան, որ ձեռք մեկնի Նիկոլին:

«Ցավներդ տանեմ, հայ ժողովուրդ, այստեղ հավաքվածներին չեմ դիմում, այլ տանը նստած մեր հայրենակիցներին: Ոտքի կանգնեք, գաղթական ենք դառնալու, գաղթական ենք դառնալու, միակ ելքը պայքարն է: Այս մարդը, Նիկոլն այլ ճար չունի, գնալու է: Ես ոչ թե ձեզ ոգևորելու համար եմ ասում, ես կյանքիս մեջ այսքան հոսահատված չեմ եղել, այլ միանշանակ ինքը գնալու, այլ ելք չկա, իսկ մենք հաղթելու ենք ու Հայաստանն  էլ ոտքի է կանգնելու»,-հայտարարեց բժիշկ-ազատամարտիկը: