Ձեր վստահելի աղբյուրը

ԱԺ պետական-իրավական հարցերի մշտական հանձնաժողովը քննարկում է 1998 թվականի հուլիսի 17-ին ստորագրված` Միջազգային քրեական դատարանի Հռոմի կանոնադրությունը վավերացնելու և կանոնադրության 12-րդ հոդվածի 3-րդ մասի համաձայն Միջազգային քրեական դատարանի իրավազորությունը հետադարձորեն ճանաչելու մասին հայտարարություն ընդունելու մասին նախագիծը:

Այն ներկայացրեց Միջազգային իրավական հարցերով ներկայացուցիչ Եղիշե Կիրակոսյանը:

«Կառավարությունն այս նախագծին հավանություն տվեց դեռ 2022 թվականի դեկտեմբերի 29-ին: Այդ պահին հավանություն տալու տրամաբանությունը պայմանավորված էր 2022 թվականի սեպտեմբերին Հայաստանի դեմ իրականացված ադրբեջանական լայնածավալ ագրեսիայով, և դրա ժամանակ ՀՀ-ի հանդեպ կատարված մի շարք կոպտագույն պատերազմական հանցագործություններով»,-հայտարարեց Միջազգային իրավական հարցերով ներկայացուցիչը:

Կիրակոսյանը հիշեցրեց նաև Սև Լճի շրջանում տեղի ունեցած ՀՀ ԶՈւ զինծառայողների գնդակահարությունը և հայտարարեց. «Դարանք փաստացի դատարանի իարվազորությանը ենթական պատերազմական հանցագործություններ են և այս պատճառներով է, որ վերստին վերսկսվեց վավերացման գործընթացը, որը 2004 թվկանին կասեցվել էր, քանի որ այդ տարի ՍԴ-ն ընդունել էր որոշում, որով այն Սահմանադրությանը երկու կետով հակասող էր ճանաչվել, մեկը վերաբերում էր կոմպլեմենտարության սկզբունքին, մյուսը համաներում շնորհելու հնարավորությանը»:

Նա հայտնեց, որ 2004 թվկանից հետո ՀՀ Սահմանադրությունն երկու անգամ փոփոխվել էր՝ նաև համապատասխան երկու դրույթները և կառավարությունը որոշեց կրկին վավերացնել ստատուտը՝ ստանալով ՍԴ-ի նոր դրական եզրակացությունն այն մասին, որ Հռոմի ստատուտը համապատասխանում է Սահմանադրությանը:

Կիրակոսյանը հայտնեց, որ ստատուտի վավերացմամբ հնարավոր կլինի դիմել ցեղասպանության, մարդկության դեմ կատարվախ հանցագործությունների, նաև ագրեսիայի հանցագործության դեպքերի համար, որը սահմանվել է Կամպալայի փոփոխությամբ: Միջազգային իրավական հարցերով ներկայացուցիչը սակայն նշեց, որ Կամպալայի փոփոխությունը դեռ այս փուլում չի վավերացվում:

Նա նաև հայտնեց որ ստատուտի վավերացումը հնարավորություն կտա նաև հետագայում դիտարկել նաև Արցախից ներկայում կատարվող բռնագաղթը, ինչպես նաև հնարավորություն կտա ՀՀ-ին ստանալ պաշտպանական զենքեր:

Կիրակոսյանը հայտնեց, որ նախագծով առաջարկվում է կանոնադրությանը հետադարձ ուժ տալ մինչև 2020 թվկանի մայիսի 10-ը՝ ՀՀ սահմանների նկատմամաբ ադրբեջանական առաջին ագրեսիան: