Ձեր վստահելի աղբյուրը

Հայաստանի կողմից Հռոմի կանոնադրությունը վավերացնելու որոշումը ամենաբացասական հետեւանքները կունենա երկկողմ հարաբերությունների վրա: «ՌԻԱ նովոստի»-ին այդ մասին հայտնել են ՌԴ ԱԳՆ-ից:

«Հայ գործընկերներն ի սկզբանե տեղեկացվել են այն դիրքորոշման մասին, որ Հայաստանի կողմից Հռոմի ստատուտի վավերացումն անընդունելի է այն պայմաններում, երբ այս կառույցը «ձերբակալման օրդեր» է տվել Ռուսաստանի բարձրագույն ղեկավարությանը»,-ասել են գերատեսչությունում։

Նշվում է, որ «դիտարկվել է երկկողմ համաձայնագիր կնքելու Երևանի նախաձեռնությունը: Մոսկվան առաջարկել է փոխզիջումային տարբերակ, որը կարող էր հարմար լինել երկու կողմերին»։

«Ցավոք սրտի, դա հաշվի չի առնվել, փոխարենը Հայաստանում քաղաքական որոշում է կայացվել՝ հօգուտ Հռոմի ստատուտի վավերացման»,-պարզաբանել են գերատեսչությունում։

ԱԳՆ-ն կարծում է, որ Հայաստանի իշխանությունների որոշումը «առավել բացասական հետևանքներ կունենա երկկողմ հարաբերությունների վրա»։

«Հայաստանի ներկայացուցիչների կողմից առաջ քաշված այն թեզը, թե իբր ստոտուտին միանալը չի ազդի հայ-ռուսական հարաբերությունների վրա, իրականությանը չի համապատասխանում: Նվազագույնը՝ դժվար է պատկերացնել Ռուսաստանի ղեկավարության այցը հանրապետություն, հատկապես, երբ այդ երկրի իշխող կուսակցության պատգամավորներ կոչ է անում ձերբակալել Վլադիմիր Պուտինին Հաագայի «Ֆեմիդայի» խնդրանքով»,-նշել է ԱԳՆ-ում։

Ռուսական գերատեսչությունը նշել է, որ «Մոսկվան հույս ունի, որ Հայաստանի Ազգային ժողովում կլինեն սթափ մտածող ուժեր, որոնք «չեն դրոշմի» հայ-ռուսական հարաբերությունների համար ակնհայտորեն թունավոր որոշմանը»։

Միջազգային քրեական դատարանի (ՄՔԴ) նախաքննական պալատը, որի իրավասությունը Մոսկվան չի ճանաչում, մարտին ձերբակալության օրդեր է տվել Ռուսաստանի նախագահ Վլադիմիր Պուտինի և երեխաների օմբուդսմեն Մարիա Լվովա-Բելովային։