![](https://panorama.am/news_images/969/2905390_1/f65183513b84d1_65183513b851d.thumb.png)
Ադրբեջանը ձերբակալել է նրանց, ումից վախենում է Նիկոլ Փաշինյանը, այն հատուկ է արված. Ավետիք Չալաբյան
«Այսօր արդեն ակնհայտ է, որ Արցախում տեղի ունեցածը Ալիև-Փաշինյան զույգի ծրագրված գործողության արդյունք էր, և թշնամին դրա մասին բացահայտ խոսում էր, որ նա աչք փակեց Արցախում պատրաստված ցեղասպանության վրա»,-հայտարարեց «Ազգային կոմիտեի» անդամ Ավետիք Չալաբյանը:
Նրա կարծիքով՝ թշնամին մի հարցում սխալվել է, քանի, որ Արցախի հերոսական ժողովուրդը կռիվ տվեց:
«Այդ կռիվն Ավարայր էր, այդ կռվում հաղթողներ չէին կարող լինել, որովհետև շրջափակված սովալուկ, ուժասպառ եղած Արցախը միայնակ չէր կարող դիմակայել Ադրբեջանի գերակշիռ ուժերին: Բայց այդ կռիվը բոլորին ուժ տվեց և այն, որ դրանից հետո Արցախի մեր քույրերն ու եղբայրները կազմակերպված մեկ շաբաթվա ընթացքում դուրս եկան այնտեղից՝ ցույց տալով, որ նրանք նախընտրում են ազատությունը, և պատրաստ չեն գերի մնալ Ալիևի ցեղասպան ռեժիմին»,-ասաց Չալաբյանը:
Նա հայտնեց, որ Արցախից ժողովրդի դուրս գալը տալիս է մի քանի հենակետ, որոնցից հետո հնարավոր է շարունակել Արցախի համար պայքարը. այդ նպատակով պետք է ԱԺ-ում անցկացվի Հայաքվերի օրինագիծը: Չալաբյանը նաև հայտարարեց, որ Արցախը փրկել հնարավոր է, քանի որ համաշխարհային պատմությունը ունի նման օրինակներ:
Չալաբյանը նաև հայտարարեց, որ Կոռնիձորից մինչև Եղեգնաձոր աղետ է, իսկ պետությունը գրեթե չի զբաղվում բռնագաղթողներով, այլ ընդամենը գրանցում է:
«Ազգային կոմիտեի» անդամը, մտահոգություն հայտնելով, որ արդեն այսօր կան երկրներ, որոնք ցանկանում են արցախցիներին տանել իրենց մոտ, հայտարարեց, որ այն անթուլատրելի է, և որ արցախցիները պետք է մնան Հայաստանում:
Անդրադառնալով սահմանից հայ զինվորականների և քաղաքական գործիչների ձերբակալման փաստին՝ Չալաբյանն ասաց. «Ադրբեջանը ձերբակալել է նրանց, ումից վախենում է Նիկոլ Փաշինյանը, այն հատուկ է արված»:
Հարակից հրապարակումներ`
- Փաշինյանը վախենում է Ադրբեջանի հետ կռվել, պատերազմ է հայտարարում Ռուսաստանին. Վազգեն Մանուկյան
- Տեր Ներսես. Անցանք մեր բաժին դերզորյան տառապալից ճանապարհը
- Այսօր Երևանում կկայանա երթ և հանրահավաք
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան