Ձեր վստահելի աղբյուրը

Ժամը 15:00-ի դրությամբ ԼՂ-ից բռնի տեղահանված 100 հազար 520 անձ է ժամանել Հայաստանի Հանրապետություն։ Հաշվառված անձանց թիվը կազմում է 89 հազար 167: Ճեպազրույցում ՆԳՆ միգրացիայի և քաղաքացիության ծառայության պետ Արմեն Ղազարյանը հայտարարեց, որ նրանցից իգական սեռի ներկայացուցիչերի թիվը կազմում է 46  հազար 139, արական՝ 43 հազար 28։

Բացի այդ, 65 տարեկանից բարձր քաղաքացիների թիվը կազմում  է 10 հազար 700-ից ավելի, երեխաների՝ մինչև 18 տարեկան, շուրջ 27 հազար։

Նրանց ճնշող մեծամասնությունը՝ 45 հազարից ավելի, եկել է Ստեփանակերտից, Մարտունու շրջանից՝  15 հազարից ավելի, Մարտակերտի  շրջանից՝  13 հազարից ավելի, Ասկերանի շրջանից՝ 10 հազարից ավելի։

Հաշվառվածերի թվում այդ պահի դրությամբ եղել է 230 հղի կին և 2000-ից ավելի հաշմանադմություն ունեցող անձ։

Ա. Ղազարյանը նշեց, որ եթե անձն ունի փաստաթղթերի, անձը հաստատող փաստաթղթերի հետ  կապված խնդիր, պետք է մոտենալ անձնագրային ծառայություններ, ներկայացնել անձը հաստատող փաստաթղթի վերականգնման կամ կորստի հետ կապված   համապատասխան դիմումներ, կիրականացվի նույնականացում և փաստաթղթավորում, միաժամանակ որպեսզի չխաթարվի աջակցություն ստացման գործընթացը, մինչև նոր փաստաթղթի պատրաստ լինելը կտրամատրեն  անձը հաստատող փաստաթղթի ժամանակավոր ձև։