![](https://panorama.am/news_images/969/2905701_1/f651a6b53db126_651a6b53db188.thumb.jpg)
Վարդան Օսկանյան. Ստեղծված վիճակը մի մարդու տգիտության, անգործության, սխալ քաղաքականության հետևանք է
«Այս իրադարաձությունների հետ կապված Հայաստանի իշխանությունների լռությունն իսկապես խլացնող է կամ նրանց հատուկենտ արձագանքներն այս իրադարձություններին ուղղակի զայրացնող են»,-ֆեյսբուքում հրապարակած տեսանյութում ասաց Հայաստանի նախկին ԱԳ նախարար Վարդան Օսկանյանը։
Նա հիշեցրեց, 100 հազար մեր հայրենակիցներ թողել են մեր հայրենիքը, եկել են Հայաստան, թողել են իրենց ունեցվածքը, հարազատների շիրիմները, հուշարձանները, մեր պատմական հայրենիքի մի մասն ենք տվել։
«Եվ այստեղ քար լռություն է։ Այս ամենի հետ Հայաստանի իշխանությունները ոչ մի կապ չունեն։ Այս բոլորի հետ Ադրբեջանը մեր ժողովրդի ճակատին դաջում է տեռորիստի պիտակը։ Եվ այս ամենի դեմ դուք լռո՞ւմ եք, ոչ մի արձագանք չեք տալի՞ս։ Երեսուն տարի լսե՞լ եք, որ Լեռնային Ղարաբաղի հետ կապված որևէ մեկը տեռորիզմի մասին խոսի, միջազգային հանրությունը, նույնիսկ Ադրբեջանը նման բան չի խոսել։ Ուզո՞ւմ եք ասել, որ Մինսկի խմբի համանախագահները երբ Հայաստանում հանդիպում էին Արցախի ղեկավարության հետ, տեռորիստների հե՞տ էին հանդիպում։ Ո՞ւր է արտաքին գործերի նախարարությունը, ինչո՞ւ ձայն չեք հանում»,-նշեց նա։
Նախկին ԱԳ նախարարն ընդգծեց՝ այսօր Արցախը հայաթափված է, նման բան չի եղել նույնիսկ ավելի դաժան պայմաններում, ընդհանրապես մեր պատմության որևէ ժամանակահատվածում նման բան չի եղել։
«Այս ամենն արդյունք է մեր իշխանութունների սխալ քաղաքականության։ Այո, սխալ քաղաքականություն է եղել։ Փաշինյանին դիվանագիտական կորպուսից թե հրապարակային, թե կուլիսային խորհուրդներ տրվել են, նա չի լսել, արհամարհել է։ Մենք զոհ ենք այսօր մեկ մարդու սխալ քաղաքականությանը, նրա տգիտությանն այս հարցերում, նրա անգործությանը, նա չի կարողանում։ Եվ այսօր մեր առաջ նոր մարտահրավերներ են, նոր ճակատագրական փուլ։ Փաշինյան, դու խորհրդի կարիք ունես։ Այսօր քո բանակցային օրակարգը անկախ քեզանից գլխիվայր է փոխվել»,-ասաց նա։
Մանրամասները՝ տեսանյութում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան