![](https://panorama.am/news_images/969/2906198_1/351314805_780288063504050_8857128566357079246_n.thumb.jpg)
Մայր թատրոնը հատուկ աշխատատեղեր կստեղծի Արցախից բռնի տեղահանված մեր հայրենակիցների համար
Սունդուկյանի անվան ազգային ակադեմիական թատրոնը սկսում է հատուկ անվճար այցելությունների ծրագիր արցախահայության համար։
«Ապրում ենք բարդ ու դժվարին ժամանակահատվածում, երբ մեր հոգիները պատած ցավը թևաթափ է անում։
Սակայն այս օրերին նպատակային գործունեությունն է միակ փրկօղակը․ այժմ անչափ կարևոր է, որ յուրաքանչյուրս իր ուժերը ներդնի մեր հայրենակիցներին սատար կանգնելու գործում։
Գ․ Սունդուկյանի անվան ազգային ակադեմիական թատրոնը վերսկսում է խաղաշրջանը՝ գիտակցելով, որ մշակույթն է այն բանալին, որ մեզ դարեդար ապրելու և արարելու ուժ է տվել։
Միաժամանակ, հստակ հասկանալով ներկայի առաջնահերթությունները, թատրոնը որոշել է ստեղծել հատուկ աշխատատեղեր Արցախից բռնի տեղահանված մեր հայրենակիցների համար (մանրամասն տեղեկատվությունը հասանելի կլինի մոտ օրերին)։
Թատրոնը նաև սկսում է հատուկ անվճար այցելությունների ծրագիր արցախահայության համար»,- նշում են թատրոնից։
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)