![](https://panorama.am/news_images/969/2906384_1/53180021045_582bfe2e8a_b.thumb.jpg)
Հետաքրքիր է՝ ինչո՞ւ այս 11 ՔՊ-ականները չեն քվեարկել Հռոմի ստատուտի վավերացման օգտին
Ազգային ժողովը (ԱԺ) ՔՊ-ական պատգամավորների 60 կողմ ձայներով վավերացրեց Հռոմի ստատուտը: Ընդդիմության երկու ֆրակցիաները դեմ քվեարկեցին Ստատուտին՝ հայտարարելով, որ այն ոչ միայն հակասահմանադրական է, այլև նորանոր աղետներ է բերելու Հայաստանի Հանրապետության համար:
168.am-ը գրում է.
«Պարզվում է՝ Հռոմի ստատուտի վավերացումը Հայաստանի ինքնիշխանության երաշխիքը համարող «Քաղաքացիական պայմանագրի» ոչ բոլոր պատգամավորներն են, սակայն, իրենց քվեարկությամբ վավերացրել այն:
Հատկանշական է, որ նրանցից 4-ը՝ Շիրակ Թորոսյան, Դավիթ Դանիելյան, Սերգեյ Բագրատյան, Նարեկ Գրիգորյան, գրանցվել, սակայն չեն քվեարկել, իսկ ՔՊ-ական 7 պատգամավոր էլ՝ Համբարձումյան Կարեն, Պողոսյան Քրիստինե, Խաչատուր Սուքիասյան, Գուրգեն Արսենյան, Մաթևոս Ասատրյան, Կնյազ Հասանով, Ղալումյան Վահե, առհասարակ չեն ներկայացել նիստին, թեպետ նրանցից և ոչ մեկը կարծես թե գործուղման մեջ չեն գտնվում:
Համենայն դեպս, ԱԺ նախագահ Ալեն Սիմոնյանը քվեարկությունից առաջ չասաց, որ կան պատգամավորներ, ովքեր գործուղման լինելու հանգամանքով պայմանավորված՝ իրենց դիրքորոշումն արդեն իսկ հայտնել են կոնկրետ ծրարի մեջ եղած քվեարկությամբ:
Գործուղման մասին հիշատակություն չկար նաև ԱԺ կայքում, որքան էլ որ ՔՊ-ական Վլադիմիր Վարդանյանը հակառակը պնդեր ու ասեր՝ տարաձայնություններ չեն եղել:
Հետաքրքիր է՝ ինչո՞ւ այս 11 ՔՊ-ականները չեն քվեարկել Հռոմի ստատուտի վավերացման օգտին. դեմ են Հայաստանի ինքնիշխանությա՞նը, թե՞ նրանց բացատրել են Հռոմի ստատուտի վավերացման հետևանքները»։
Հարակից հրապարակումներ`
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)