Ձեր վստահելի աղբյուրը

«Մեր ամբողջ բանակն անցնում է քրեական գործերով:Նայեք քանի երիտասարդ, մարտունակ գեներալ կա, որ պաշտոնազրկվել է»,-«Հայելի» մամուլի ակումբում հայտարարեց քաղաքական-հասարակական գործիչ Էդգար Ղազարյանը:

Բանախոսը հիշատակեց Տիգրան Փարվանյանի, Գրիգորի Խաչատուրովի և մի քանի այլ գեներալների դեպքերը:

«Գեներալներին զորացրել են ու ասում են՝ դավայ, բանակից հեռու, այս բանակում պետք է ձևավորվի կանանց գումարտակ: Պաշտպանության նախարարը և ԳՇ պետն անձամբ գնում մասնակցում են 20-25 տարեկան աղջիկների պիկնիկի: Մեր բանակում տղամարդ չկա՞, որ 25 կամ  200 հոգի աղջիկները պետք է մեր երկիրը պաշտպանեն»,-հայտարարեց Ղազարյանը:

Նա նկատեց, որ կինը ֆիզիկապես ի վիճակի չէ պահանջվող 30 կգ սպառազինությունն ու հանդերձանքը կրի և մարտական խնդիր լուծի, ուստի խելամիտ չէ զինված ուժերում մարտական գործողություններում կանանց ներգրավումը:

Անդրադառնալով Արցախի վառելիքի պահեստի պայթյունի դեպքին՝ Էդգար Ղազարյանն ասաց, որ այն պատահական չի եղել այլ ադրպեջանական կողմի գործողությունների հետևանք է եղել:

Նա նաև հիշեցրեց, որ Արցախում պայթյունի հետևանքով ունեցած 170 զոհի դեպում Հայաստանից ցավակցություն չի հնչել: