Ձեր վստահելի աղբյուրը

«Այս իշխանությունն իր հանցավոր, անգրագետ գործունեությամբ մեզ ներքաշել է պատերազմի մեջ ու պատմության մեջ մնալու է  Արցախը հայաթափոխի խարանը ճակատին»,- Ազգային ժողովում հայտարարությունների ժամին ասաց ՀՀ ԱԺ «Հայաստան» խմբակցության ղեկավար Սեյրան Օհանյանը։

Նա նշեց, որ բոլորս ուզում ենք խաղաղություն, բայց այս պայմաններում չի կարող լինել խաղաղություն Ադրբեջանի հետ, որը  շարունակում է բացահայտ թշնամական գործողություններ իրականացնել ՀՀ հանդեպ։

«Հայաստանը պարտավոր է հանդես գալ, որ արցախյան հակամարտությունը կարգավորված չէ և բանակցությունները միջազգային ընդունելի ֆորմատով այլընտրանք չունեն, ձեռնպահ մնալ Ադրբեջանի հետո միջպետական որևէ պայմանագիր ստորագրելուց, քանի դեռ  Արդրբեջանն ազատ չի արձակել Արցախի Հանրապետության պաշտոնյաներին, ռազմական գործիչներին, գերիներին և չի դադարեցրել ոտնձգությունները Հայաստանի ինքնիշխան տարածքների նկատմամբ»,- ասաց Օհանյանը։ 

Մանրամասն՝ տեսանյութում։