Ձեր վստահելի աղբյուրը

«Այստեղից մեկն ասում էր՝ մեզ ասում են մի փոքր իջեցրեք Արցախի հարցում կարգավիճակի նշաձողը և միջազգային լայն կոնսոլիդացիա կունենանք։ Մի փոքրը ինչքա՞ն էր՝ տասը սմ, թե՞ կիլոմետրոր»,-ԱԺ-ում կառավարության հետ հարց ու պատասխանի ժամանակ հայտարարեց «Հայաստան» խմբակցության պատգամավոր Աղվան Վարդանյանը՝ դիմելով Նիկոլ Փաշինյանին։

Շարունակելով խոսքը՝ նա ընդգծեց. «Իջեցրել եք մինչև զրո կետ։ Արցախում հայ չկա, արցախի ռազմաքաղաքական ղեկավարությունը, Ձեր ամենօրյա խոսակից Արայիկն էլ Բաքվի բանտում են։ Հայաստանի ինքնիշխանությունն էլ եք ահագին իջեցրել։ Եթե մնաք, իջեցնելու եք մինչև զրո։  Մնաք, երաշխավորում եմ, նոր ողբերգություն եք բերելու։ Առաջարկում եմ երեք տարբերակ՝ կամ դու էլ գնացեք ապահով Բաքու, կամ  հաճելի մի այլ մայրաքաղաք, կամ Վարդաշեն։ Բարեկամական կարճ խորհուրդ, հե-ռա-ցեք»։

Արձագանքի համար ամբիոնին մոտեցած իկոլ Փաշինյանն ասաց՝ հեռացեք բառի վանկարկումը Վարդանյանի կողմից տպավորիչ չէր։ Ռաջարկեց հաջորդ անգամ ողջ խմբակցությունով փորձեն, «գուցե ազդեցություն կունենա երկրում քաղաքական իրավիճակի վրա»։

Նա ընդդիմադիր պատգամավորին մեղադրեց Արայիկ Հարությունյանի նկատմամբ ոչ հարգալից վերաբերմունքի, ինչպես նաև եվրոպական առողջարաններում հանգիստն անցկացնելու համար։

«Ընդդիմադիր քաղաքական գործիչները, ոչինչ, կարող են շատ բան ասել։ Մենք մինչև որաշակի սահման հանդուրժող ենք։ Բայց երբ սահմանն անցավ, ում պետք է ուղարկել Վարդաշեն, կուղարկենք Վարդաշեն»,-ասաց Փաշինյանը։

Մանրամասները՝ տեսանյութում։