Ձեր վստահելի աղբյուրը

«Մեքենաներն անցնում են՝ ոչ բոլորը, բայց նախորդ օրվա ընթացքում մի քանի տասնյակն անցել են՝ ալկոհոլային խմիչքով բեռնված»,-պատասխանելով Լարսի անցակետում ստեղծված իրավիճակի մասին հարցին՝ կառավարության շենքի դիմաց հայտարարեց էկոնոմիկայի նախարար Վահան Քերոբյանը :

Նա ասաց, թե երբև է չի ասել, որ ՀՀ գործադիրը չգիտի Լարսում խոչընդոտների պատճառները:

«Բնականաբար մեր կառավարության և Էկոնոմիկայի նախարարության տնտեսական քաղաքականության կարևորագույն մաս է կազմում նաև այն, որ Հայաստանի Հանրապետությունում արտադրվող ապրանքները լինեն բարձր որակի»,-հայտնեց Քերոբյանը և նշեց, որ որոշ ժամանակ առաջ գործընթաց էին սկսել, որպեսզի ՀՀ-ից արտահանվող խմիչքը լիներ բարձր որակի :

Պատասխանելով Լարսի անցակետում տարանցման խափանումների մեջ քաղաքական ենթատեքստ լինելու մասին հարցին՝ Քերոբյանն ասաց. «Ես չէի ասի որ քաղաքական ենթատեքստ կա, որոշ մեքենաներից նմուշառումներ են արվել և սպասում ենք դրանց լաբորատոր փորձաքննության արդյունքներին, այլ մեքենաներն անցնում են: Ես չէի ուռճացնի խնդիրը» :

Քերոբյանը չցանկացավ պատասխանել հայ-ռուսական տնտեսական հարաբերությունների վրա Հռոմի ստատուտի վավերացման ազդեցության մասին հարցին: