Ձեր վստահելի աղբյուրը

ՀԱԿ համակարգող Լևոն Զուրաբյանը ֆեյսբուքյան իր էջում հայտարարում է ֆեյքազերծման մասին։ Նա գրել է.

«Ֆեյքազերծում.

Վարչապետի աշխատակազմի ղեկավար Արայիկ Հարությունյանը գրել է.

.«Հայաստանը Գրանադայում ինչ ցանկացել է, ստացել է՝ հասնելով լուրջ հաղթանակի»:

Իրականում՝

. Հայաստանը նորից միակողմանիորեն ճանաչեց Ադրբեջանի տարածքային ամբողջականությունը, Արցախը և անկլավները Ադրբեջանի կազմում (ԽՍՀՄ զինված ուժերի գլխավոր շտաբի ամենավերջին քարտեզների հիման վրա)

. Ալիևը, սպառելով իր ստանալիքը արևմտյան ֆորմատի շրջանակերում, չներկայացավ Գրանադա և, չստորագրելով Հայաստանի կողմից միակողմանի ընդունված խաղաղության փաստաթուղթը, որևէ պարտավորություն չստանձնեց Հայաստանի և արցախահայության նկատմամբ

. Փաստորեն, Ալիևը, օգտագործելով արևմտյան ֆորմատը, հասավ Հայաստանի կողմից Արցախի ճանաչմանը Ադրբեջանի կազմում և, ի վերջո, Արցախի բռնի հայաթափմանը։

.Հայաստանը ստացավ Եվրոպական Միության, Ֆրանսիայի և Գերմանիայի հավաստիացումներրը Հայաստանի տարածքային ամբողջականությանը, ինքնիշխանությանն և սահմանների անխախտելիությանն աջակցելու և նյութական օգնության տրամադրելու մասին։

Եւ սա Փաշինյանի կառավարությունը ներկայացնում է որպես հաղթանակ»։