![](https://panorama.am/news_images/970/2908199_1/f652008cc9d748_652008cc9d789.thumb.png)
Ճգնաժամային փուլից հետո հակված կլինենք աջակցելու միջնաժամկետից երկարաժամկետ հատվածում. Յանեշ Լենարչիչ
«ՀՀ կառավարությունը բարձր է գնահատում այն արագ արձագանքը, որը ԵՄ-ն և նրա անդամ պետությունները ցուցաբերել և շարունակում են ցուցաբերել տեղահանված մեր հայրենակիցների առաջնային կարիքների հասցեագրման ուղղությամբ»,- ճգնաժամային կառավարման հարցերով ԵՄ հանձնակատար Յանեշ Լենարչիչի հետ համատեղ ասուլիսում հայտարարեց փոխվարչապետ Տիգրան Խաչատրյանը:
Նա հայտնեց, որ հանձնակատարի հետ քննարկել են բռնագաղթածներին աջակցության նպատակով ԵՄ-ի և Հայաստանի ջանքերը համաձայնեցնելու և ստացված աջակցությունը բռնի տեղահանվածներին ուղղելու հարցում համագործակցության միասնական հարթակի ձևավորման և այդ ձևաչափով գործողությունների արդյունավետության բարձրացման հարցեր:
«Որպես առաջնային գերակայություն առանձնացրել ենք բռնագաղթած մեր հայրենակիցների կարճաժամկետ, միջնաժամկետ և երկարաժամկետ կարիքների գնահատման կարևորությունը, դա այն հիմքն է, որ պետք է հնարավոր դարձնի բռնի տեղահանվածների խնդիրների արդյունավետ լուծումը և հասանելի հումանիտար աջակցությունն ճիշտ օգտագործելու եղանակով արագացնի մեր հայրենակիցներին բնականոն կյանքի վերադրաձնելու ընթացքը»,-ասաց Խաչատրյանը:
Փոխվարչապետը նաև հայտնեց, որ քննարկումների ժամանակ կողմերը եկել են այն համաձայնության, որ ԵՄ-ն կշարունակի համակարգված աջակցություն ցուցաբերել բոլոր անհրաժեշտ ուղղություններով:
«Համոզվածություն ենք հայտնում, որ ԵՄ-ի կողմից ցուցաբերվող աջակցությունը էապես կնպաստի նրան, որ ՀՀ կառավարության կողմից իրականացվող ծրագրերն առավելագույն արդյունավետությամբ լուծեն բռնի տեղահանված մեր հայրենակիցների առաջնահերթ կարիքները»,-խոսքն ավարտեց Տիգրան Խաչատրյանը:
Յանեշ Լենարչիչն էլ նշեց, թե ԵՄ-ն ակտիվացրել է քաղաքցիական պաշտպանության մեխանիզմները:
«Շատ ուրախ եմ, որ ԵՄ անդամ երկրները կարողացել են արձագանքել»,- ասաց ԵՄ հանձնակատարը և նշեց, որ բազմաթիվ երկրներ իրենց աջակցությունն են առաջարկել՝ հիգիենայի պարագաների, սննդի և դեղերի մասով:
Նա նաև տեղեկացրեց, որ հիգիենայի պարագաները և դեղերն արդեն տրամադրվում են հիվանդանոցներին:
Թվարկելով բռնագաղթածներին օգնություն տրամադրելու պատրաստակամություն հայտնած եվրոպական բոլոր երկրների անվանումները՝ Յանեշ Լենարչիչը հավելեց.«Այս ճգնաժամային փուլի հաղթահարումից հետո մենք հակված կլինենք աջակցելու միջնաժամկետից երկարաժամկետ հատվածում: Վերջում վերահաստատում եմ ԵՄ աջակցության պատրաստակամությունը»:
Հարակից հրապարակումներ`
- Փաշինյանը ԵՄ հանձնակատարից ֆինանսական աջակցություն է խնդրել
- ԵՄ-ն պատրաստ է անհրաժեշտ աջակցություն ցուցաբերել Հայաստանին․ Ուրսուլա Ֆոն դեր Լայեն
- Բռնագաղթածներն ինչպես կարող են ստանալ 100 հազար դրամ աջակցությունը
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)
![Ինչպես է քաղաքապետարանը պայքարում բացօթյա առևտրի դեմ](https://panorama.am/video_images/17/49796_1/f667e7ba72a446_667e7ba72a485.png)
![Իրանում հավանական է ընտրությունների երկրորդ փուլ. Իրանագետ](https://panorama.am/video_images/17/49794_1/f667d6fd223ff2_667d6fd224031.jpg)
![Արարատ Միրզոյան. Ես չեմ տեսնում դրական արձագանք Ադրբեջանի կողմից](https://panorama.am/video_images/17/49793_1/f667d62f2f3a73_667d62f2f3ab3.jpg)
![Քաղաքագետ. Կարող է ստանանք ռեգիոնալ մեծ պատերազմ Հայաստանի տարածքում](https://panorama.am/video_images/17/49792_1/f667d628649f9b_667d628649fdb.jpg)