Ձեր վստահելի աղբյուրը

Հոկտեմբերի 9-ին  կմեկնարկի ՀՀԿ փոխնախագահ Արմեն Աշոտյանի դեմ հարուցված գործի դատական քննությունը։

«Մենք հիմա ազգովի մտահոգված ենք ադրբեջանական բանտերում գերության մեջ գտնվող մեր հայրենակիցների ճակատագրով, միաժամանակ պետք է հիշենք, որ բազմաթիվ հանրային գործիչներ քաղաքական դրդապաճառներով գտնվում են բանտերում»,-լրագրողների հետ հանդիպմանը հայտարարեց փաստաբան Ռուբեն Մելիքյանը։

Նա ասաց՝  Արմեն Աշոտյանին քաղաքական դրդապատճառներով հետապնդման մասին հայտարարել է նաև ԵԺԿ-ն։

«Բազմիցս լսել եք այն աբսուրդների մասին, որ եղել են նախաքննության ընթացքում։ Այն, ինչ լսել եք, հնարավարություն կունենանք տեսնել ձեր աչքով։ Մենք ուսումնասիրեցինք ավելի քան 30 հատորանոց գործը, տեսանք, որ Աշոտյանի նկատմամբ կատարվել է տոտալ անձնական կյանքի սահմնաափակման գործառույթ։ Ինչ գործիք որ առկա է մեր քեական դատավարության օրենսգրքում, մենք տեսնում ենք այստեղ՝ բանկային գաղտնիք, նոտարական գաղտնիք, գաղտնալսումներ, խուզարկություններ, արտաքին դիտում։ Այս որոշումները դատարանը կայացրել է։ 2015-ից սկսած բոլոր զանգերը, սմս-ները... այսքանից հետո մենք տեսնում ենք մեղադրական եզրակացության մեջ զրո փաստ»,-ասաց Մելիքյանը։

Փաստաբանի խոսքեվ, եղել են դեպքեր, երբ գաղտնալսելու միջնորդությունը մերժելու դեպքում քննչական մարմինը չի գնացել բողոքարկման ճանապարհով, այլ մեկ-երկու օր անց նույն միջնորդությունը ներկայացրել է դատարան, որն ուրիշ դատավոր բավարարել է։

Մանրամասները՝ տեսանյութում։