Ձեր վստահելի աղբյուրը

Իսրայելի ռազմաքաղաքական կաբինետը գործողության մեջ է դրել կառավարության մասին հիմնական օրենքի «40-րդ կետը», ինչը նշանակում է անցում պատերազմական վիճակի։ «Ռիա Նովոստի»-ի փոխանցմամբ, հայտնել է երկրի վարչապետի գրասենյակը:

«Ռազմաքաղաքական կաբինետը երեկ երեկոյան հավանություն է տվել պատերազմի վիճակին և, համապատասխանաբար, խոշոր ռազմական գործողությունների մեկնարկին։ Դա համապատասխանում է կառավարության հիմնական օրենքի 40-րդ հոդվածին: Գազայի հատվածից մահաբեր ահաբեկչական հարձակման հետևանքով Իսրայել պետությանը պարտադրված պատերազմը սկսվել է 2023 թվականի հոկտեմբերի 7-ին ՝ ժամը 6:00-ին», - ասված է հայտարարության մեջ:

Հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման է ենթարկվել։ Իսրայելի բանակի մամուլի ծառայությունից հայտնել են, որ ծայրահեղականներն ավելի քան 3 հազար հրթիռ են արձակել:

Պաղեստինյան ՀԱՄԱՍ շարժման ռազմական թևը հայտարարել է, որ Իսրայելի դեմ «Ալ Աքսայի ջրհեղեղ» գործողություն է անցկացնում:

Վերջին տվյալներով՝ զոհվել է ավելի քան 600 խաղաղ իսրայելցի, վիրավորվել՝ 2048 մարդ։