Ձեր վստահելի աղբյուրը

Իսրայելական բանակը հայտարարել է, որ պատրաստ է ՀԱՄԱՍ-ի զինյալների դեմ լայնածավալ ցամաքային հարձակողական գործողության։ «Գազայի հատվածն այլևս երբեք նույնը չի լինի»,-BBC-ի փոխանցմամբ՝ ասել է Իսրայելի պաշտպանության նախարար Յոավ Գալանտը՝ ելույթ ունենալով զինվորականների առաջ:

Իսրայելը դադարեցրել է սննդի, ջրի, վառելիքի և էլեկտրաէներգիայի մատակարարումը այս հատվածին, և նրա բանակը լայնածավալ հրետանային և օդային հարվածներ է հասցնում ՀԱՄԱՍ-ի ռազմական օբյեկտներին: Խմբավորման ներկայացուցիչները սպառնում են սպանել իսրայելցի և օտարերկրյա պատանդներին, որոնց նրանք գերել են, եթե Իսրայելը շարունակի բնակելի շենքերի ռմբակոծությունները։

ՄԱԿ-ում Իսրայելի դեսպան Գիլադ Էրդանի խոսքով, Գազայում պահվում են 100-ից 150 պատանդներ, որոնք առևանգվել են շաբաթ օրը ՀԱՄԱՍ-ի կողմից Իսրայելի վրա հարձակման ժամանակ: Մինչ օրս հարձակման զոհ է դարձել ավելի քան 1200 մարդ՝ հիմնականում իսրայելցիներ, ինչպես նաև օտարերկրացիներ։ Պաղեստինի առողջապահության նախարարությունը հայտնել է Իսրայելի պատասխան հարվածների հետևանքով նույնքան զոհերի մասին։

Իսրայելի պաշտպանության բանակը (IDF) Գազայի հատվածի հետ սահմանին տեղակայել է մի քանի հարյուր հազարանոց հետևակ և զրահատեխնիկա, այդ թվում՝ պահեստազորայիններ։

Բայց, ինչպես երևում է, ռազմական հրամանատարները չեն շտապում արագացնել իրադարձությունները, նրանք զգուշացնում են, որ պատերազմը երկար կտևի, և որ Համասին հաղթելը օրերի կամ շաբաթների խնդիր չէ:

Որո՞նք են Գազայում սպասվող ցամաքային գործողության հնարավոր սցենարները, և ի՞նչ դժվարությունների կհանդիպի իսրայելական բանակն անխուսափելիորեն։

Գազայի հատվածը պաղեստինյան անկլավ է Միջերկրական ծովի ափին, որը բաժանված է հզոր պատնեշային համակարգով հյուսիսում և արևելքում Իսրայելից և հարավում՝ Եգիպտոսից: Տարածքը կազմում է 363 քառ. կմ, այն փոքր է, քան մեկ միլիոն բնակչություն ունեցող ռուսական քաղաքներից որևէ մեկը, բայց բնակչության թվով` ավելի քան 2,2 միլիոն մարդ, հավասար է Սամարային և Վորոնեժին միասին վերցրած:

Եթե հաշվի առնեք, որ Գազայում բարձրահարկ շենքեր չկան, ապա կարելի է պատկերացնել այնտեղ բնակելի կառուցապատման խտությունը։ Բայց այս տարածքը պարունակում է նաև գյուղական տարածքներ՝ դաշտերով և արոտներով։

Այնտեղ կա մի քանի տասնյակ հազար զինված ու մոլեռանդորեն իսլամիստներ, որոնց աջակցում է բնակչության զգալի մասը։

«ՀԱՄԱՍ-ն իր անվտանգության ուժերում ունի 40 հազար զինյալ, և դրանք բանակի տիպի կազմավորումներ են՝ կարգապահություն, պաշտպանության երկարաժամկետ նախապատրաստում, տասնյակ կիլոմետրանոց թունելներ և բունկերներ են փորվել Գազայի տակ»,-BBC-ին ասել է իսրայելցի ռազմական փորձագետ Դեյվիդ Շարփը:  Նրա գնահատականներով՝ Գազայում մեծությամբ երկրորդ խմբավորումը՝ «Իսլամական ջիհադը», ունի ևս 10 հազար մարտիկ։

«Նրանց սպառազինությունը շատ լավն է, բացի հրաձգային զինատեսակներից, ունեն բազմաթիվ պայթուցիկ սարքեր, նռնականետեր, հակատանկային հրթիռային համակարգեր, այդ թվում՝ ռուսական «Կորնետներ», ունեն մեծ քանակությամբ MANPADS, բոլոր տրամաչափի մինչև 120 մմ ականանետեր։ «Իսլամական ջիհադը» և «Հեզբոլլահը» ունեն 15 հազար և ավելի հրթիռային զինանոց, դրանք յոթից մինչև 150 կիլոմետր հեռահարությամբ հրթիռներ են»,-ասում է նա։

«Ինչպես նախկինում, Իսրայելի բանակը ցամաքային ներխուժումից առաջ հզոր հրետանային ռմբակոծումներ է իրականացնում։ Առաջին քայլը ռազմական օբյեկտների ոչնչացումն է՝ կառավարման և կապի կենտրոնները, պահեստները, հակառակորդի կենտրոնացման վայրերը և այլն։

Շարունակվող կրակային աջակցությամբ զրահատեխնիկան և հետևակը հարձակվում են տարբեր ուղղություններից, ճեղքում են պաշտպանությունը և ճնշում դիմադրության կենտրոնները՝ միաժամանակ ուղեկցելով հրետանային և օդային հարվածներով։ Էլեկտրոնային պատերազմի ուժերն խլացնում են թշնամու անլար ռադիոհաղորդակցությունը:

Հիմնական բարձրահարկ շենքերը, ինչպես նաև ստորգետնյա թունելների մուտքերը քանդում կամ արգելափակում են։ Վերջնական փուլում իսրայելական հատուկ ջոկատայիններն չեզոքցնում են քնդվծ շենքերում և նկուղներում թաքնված գրոհայինների ցրված խմբերը և գերի են վերցնում նրանց հրամանատարներին։

Հեշտ է ասել...

Իսրայելի վրա հարձակման կազմակերպիչները կանխատեսել էին իրադարձությունների նման զարգացումը և, հավանաբար, լավ պատրաստված էին դրան։

Գազայի հատվածի շրջակայքը բաց է, և նույնիսկ պարզունակ օդային հետախուզական սարքավորումները, ինչպիսիք են չինական էժանագին անօդաչու թռչող սարքերը, կարող են հայտնաբերել զորքերի և տեխնիկայի կենտրոնացում: Հետևաբար, ցամաքային գործողություն պլանավորելիս չի կարելի հաշվել անակնկալի գործոնի վրա։

Եթե որոշում կայացվի խոշոր ցամաքային գործողություն իրականացնել՝ հիմնական հարձակումների ուղղություններով ականապատ դաշտերը դժվար թե մեծ վտանգ ներկայացնեն, դրանք կմաքրվեն ականազերծման ժամանակակից սարքավորումներով, որոնցից իսրայելական բանակը շատ ունի: Խնդիրն այլ է: Խիտ բնակեցված բնակավայրերում պատերազմի դասական օրինակով հարձակում հնարավոր չէ իրականացնել այն արվում է միայն մոբիլ խմբերով, իսկ այդ դեպքում պղեստինյան կողմն առավելություն ունի, քանի որ լավ գիտի տեղանքը և բնակչությունն իրեն աջակցում է: