Ձեր վստահելի աղբյուրը

Միայն Ստեփանակերտի վրա չբարձրացավ Ադրբեջանի դրոշը, այն բարձրացավ Երևանի վրա, մեզանից յուրաքանչյուրի տան վրա, երեկ բարձրացավ մեզանից յուրաքանչյուրի երեխայի օրորոցի վրա, մեր բնակավայրերի վրա:

Հարգելի քաղաքացինե՛ր, թող Ալիևը Ստեփանակերտում բարձրացնի ադրբեջանական դրոշը՝ դուք շարունակեք ֆեյսբուքում բարձրացնել արցախյան դրոշը: Այնուհետև Ալիևը ադրբեջանական դրոշը կբարձրացին Սյունիքում, բայց ոչինչ՝ դուք չհուսահատվեք, չընկճվեք, շարունակեք Ֆեյսբուքում բարձրացնել հայկական դրոշը:

Միայն մի բան է ինձ հետաքրքիր, երբ Ալիևը գա Երևան և Երևանում բարձրացնի Ադրբեջանի դրոշը, որտեղ եք ազատ կաֆե գտնելու, որպեսզի այնտեղ նստած ձեր կապուչինոն խմելով ֆեյսբուքյան ձեր աքաունթներում բարձրացնեք հայաստանյան դրոշը և ասեք՝ Երևան, մենք վերադառնալու ենք: Դուք հասկանում եք՝ թշնամին հստակ իր ճանապարհային քարտեզով իրականացնում է իր պատմական երազանքը:

Եվրոպայում շատ պարզ տեքստով ասացին՝ Նիկոլը մեր տղան է

Վերջին երրորդ պատերազմի վերաբերյալ ինձ անընդհատ դիմում են ծնողները՝ ասելով, որ իրենց որդիները ոչ զոհվածների մեջ են, ոչ վիրավորների: Նման ինչ տվյալներ ունեի, փոխանցել եմ եվրոպական կառույցներին՝ օրերս կատարած այցիս ժամանակ: Առ այս պահը որևէ հուսադրող բան չկա, որովհետև թե՛ Եվրոպայի խորհրդի նախարարների կոմիտեն, թե եվրոպական մյուս կառույցները, չունեն վերջին՝ սեպտեմբերյան պատերազմի ժամանակ գերեվարված զինվորների և քաղաքացիական անձանց թիվը:

Եվրոպայում շատ պարզ տեքստով ասացին՝ Նիկոլը մեր տղան է, ինչպես մեր տղան է Սաակաշվիլին, Զելենսկին, նա հստակ առաքելություն ունի իրականացնելու: Այն մենք հասկանում ենք՝ Ռուսաստանին ռեգիոնից դուրս մղելն է: Ինձ ասացին՝ մինչև ինքը չավարտի իր առաքելությունը Հայաստանում, ինչ էլ անի՝ մենք հասկանում ենք, որ եթե այն կատարվեր  Սերժի, Ռոբերտի վախտ՝ տեղում Հայաստանը կվտարվեր ԵԽ-ից, ԵՄ-ն պատժամիջոցներ կկիրառեր Հայաստանի հանդեպ, բայց քանի որ Նիկոլն է՝ բաց տեքստով ասացին՝ չենք արձագանքելու:

ԵԽԽՎ բանաձևը զուգարանի թուղթ է

Ինչ վերաբերում է ԵԽԽՎ բանաձևին, որը իշխանական քարոզչամեքենան և ուսապարկերը ներկայացնում են, որպես գրանդիոզ հաղթանակ, այն սովորական զուգարանի թուղթ է: Զուգարանի թուղթն իր օգգ-ով երևի ավելի կարևոր է, քան եվրոպական որևէ կառույցի՝ տվյալ դեպում ԵԽԽՎ-ի այդ բանաձևը, որով իբր Ադրբեջանին կոչ է արվում հարգել ԼՂ-ից տեղահանված ժողովրդի իրավունքը, ռազմագերիներին վերադարձնել՝ հակառակ դեպքում սպառնալով քննարկել Ադրբեջանի պատգամավորների լիազորությունների սառեցման կամ կասեցման հարցը:

Ժամանակին Եվրոպայում Ալիևը հայտարարեց, թե ինքը թքած ունի, թե ինչ սանկցիա կկիրառի Ստրասբուգը, կամ Բրյուսելը Ադրբեջանի և անձամբ իր հանդեպ՝ մենք մեր կռիվը մենչը վերջ շարունակելու ենք

Նիկոլը պատերազմը բերում է մեր տուն, Հայաստան, Երևան

«Պոլիտիկո» պարբերականը, հղում անելով իր աղբյուրներին, գրել էր, որ Բլինկենը ԱՄՆ օրենսդիրներին հայտնել էր, որ առաջիկա շաբաթներին Ադրբեջանը ներխուժելու է ՀՀ-ի սուվերեն տարածք:

Շատ մոտ է այդ օրը՝ Նիկոլը պատերազմը բերում է մեր տուն, Հայաստան, Երևան: Այսքանից հետո շարունակել խոնջ, մունջ անտարբերությամբ հանդուրժել այս իշխանությանը, նման մարդկանց բնութագրելու համար չեմ կարողացել հոմանիշների բառարանում գտնել բնութագրող բառ:

Նիկոլն օրեր առաջ իր հարցազրույցում ասում էր, թե պատերազմ չի լինի միայն այն դեպքում, եթե մենք տանք այն, ինչ Ադրբեջանն ուզում է: Լոնդոնում վերջերս մեծ քննարկում է տեղի ունեցել քաղաքական լրագրողական շրջանակներում, որտեղ ներկայացվել է նոր Ադրբեջանի քարտեզը, Սյունիքի, Վայող Ձորի, Գեղարքունիքի հատվածներով և Տավուշի անկլավներով:

Նիկոլի աշխատակազմի ղեկավարը հայտնում էր, թե Գրանադայում չի քննարկվել անկլավների հարցը, իսկ ինչու պետք է քննարկվեր, երբ Նիկոլ Փաշինյանն ամիսներ առաջ հայտարարել էր, որ 86.6 հազար ք/կմ-ի մեջ մտնում են նաև անկլավները: