Ձեր վստահելի աղբյուրը

«Ռուսական ռուբլին ամրանալու է»,-նման կանխատեսում է արել  տնտեսագետ tvyal.com կայքի հիմնադիր Աղասի Թավադյանը։

Վերջինս ներկայացրել է reuters.com-ի հոդվածը, որում ասվում է, որ Ռուսաստանի Դաշնությունում 3 օր առաջ սահմանափակվել որոշ խոշորագույն արտահանողների կապիտալը։

Հոդվածում ասվում է, որ արտահանողներից կպահանջվի արտարժույթով ստացված եկամուտների ոչ պակաս, քան 80% ավանդադրել ռուսական բանկերում, այնուհետև երկու շաբաթվա ընթացքում վաճառել այդ հասույթի առնվազն 90% ներքին շուկայում: Այսինքն արտահանողները պիտք է արտարժույթով ստացած եկամուտի 75% ռուբլի սարքեն շուկայում։

Աղասի Թավադյանը կանխատեսում է, որ այդ քայլը մեծացնելու է արտարժույթի քանակությունը ՌԴ շուկայում ու ամրացնելու է ռուբլին։

«Անցած տարի այս ժամանակ դոլարը մոտ 60 ռուբլի էր 1 դոլարի դիմաց։ Վերջին 2 ամսվա ընթացքում 1 դոլարը հատել է 100 ռուբլի սահամնը մի քանի անգամ։Սա է հանդիսացել հիմնական պատճառը որ Ռուսաստանում հիմնական տոկոսադրույքը բարձրացրել 7.5-ից 13% 2 ամսվա ընթացքում»,- գրում է տնտեսագետը և հավելում. «Քանի որ այս քայլից դոլարի քանակությունը մեծանալու է Ռուսական շուկայում՝ կարող ենք սպասել, որ ռուբլին 2-3 ամսվա մեջ ամրանալու է մինչև 1 դոլարը մոտ 88-92 ռուբլու, որից հետո այն ամենայն հավանականությամբ նորից սկսելու է հետ արժեզրկվել»։

Նա նաև կանխատեսում է որ այս պահին սահմանափակված ՌԴ խոշոր բիզնեսը իր կապիտալ գործունեություն համար կարող է ման գալ այլ երկրներ ։

«Այժմ մենք կարող ենք տեսնենք ՌԴ-ից կապիտալի 2-րդ արտահոսքը, ինչ տեսանք 2022 թ․ կեսերին։ Այս արտահոսքը ավելի ցածր կլինի քան նախորդը։ Սակայն մեր տնտեսական ցուցանիշները այս պահին գտնվում են անկման մեջ և եթե այս սցենարը իրականանա, ապա այն կլինի հավելյալ խթան մեր տնտեսության ու բանկային համկարգի համար։

2022 թվականն աննախադեպ տարի էր ֆիզիկական անձանցից դեպի հայկական բանկեր բանկային փոխանցումների աճի առումով, դրանք աճել են 2,5 անգամ՝ 2,1 մլրդ դոլարից հասնելով 5,2 մլրդ դոլարի։ Այս աճը հիմնականում պայմանավորված է Ռուսաստանից ստացված բանկային փոխանցումներով, որոնք քառապատկվել են՝ 865 մլն դոլարից հասնելով 3,6 մլրդ դոլարի։ Արդյունքում Հայաստան է փոխանցվել զգալի գումար՝ հիմնականում դոլարով, ինչը հանգեցրել է դոլարի առաջարկի աճին և դոլարի արժեզրկմանը դրամի նկատմամբ։ Տնտեսական գործոնները խիստ փոխկապակցված են: 2022 թվականին արտարժույթի ներհոսքը բանկային համակարգ աճել է 2,5 անգամ, իսկ արտահոսքը՝ մոտ 2 անգամ։ 2022 թվականին ներհոսքը կազմել է 5,2 մլրդ դոլար, իսկ արտահոսքը՝ 2,7 մլրդ դոլար»,- գրում է Թավադյանը։