Ձեր վստահելի աղբյուրը

Ֆրանսիացի քանդակագործ Օգյուստ Ռոդենի  աշխատանքը, որը «Կալեի քաղաքացիները» քանդակագործական խմբի մաս է, ներկա պահին «չի գտնվում» Գլազգոյի արվեստի հավաքածուներում: artguinde.com-ի հաղորդմամբ, այս մասին ասել է  Գլազգոյի թանգարանի ներկայացուցիչը։

Ինչպես պարզվում է, 1901 թվականին Գլազգոյի թանգարանների կողմից գնված աշխատանքը բացակայում էր 1949 թվականից, երբ այն ցուցադրվում էր Քելվինգրով այգում։ Ըստ Ռոդենի կոմիտեի, որը նկարչի աշխատանքների կատալոգն է վարում ամբողջ աշխարհում, երկու մետրանոց քանդակը ներկայացնում է Ժան դ'Էրային:

Ռոդենի կոմիտեի տնօրեն Ժերոմ լը Բլենն ասել է, որ անհետացումը «ափսոսանք է պատճառում, բայց պետք է դիտարկել ժամանակի համատեքստում», քանի որ 1940-ականներին գիպսային աշխատանքների նկատմամբ քիչ հետաքրքրություն կար: Նրա գնահատմամբ, քանդակն այսօր արժե մոտ 3,5 միլիոն եվրո։ Ըստ Times-ի ձեռք բերված տեղեկատվության՝ շոտլանդական թանգարանները չեն կարողանում գտնել մոտ 1750 իր, այդ թվում՝ շոտլանդացի թագուհու Մարիի հետ կապված ոսկե մետաղադրամներ։