Ձեր վստահելի աղբյուրը

«Հայաստանում իրավիճակը հասել է այն մակարդակի, որ դասական, քաղաքական առումով իշխանություն-ընդդիմություն առճակատում չկա»,- Հայկական օրակարգի նախաձեռնած «Հայաստանը՝ իբրև մեծ «անկլավ»» խորագրով պանելային քննարկմանը հայտարարեց ԱԺ նախկին պատգամավոր Արման Աբովյանը և բացատրեց, որ քաղաքական գործընթացներն այնքան են բարդացել, որ դասական քաղաքական պայքարը չի գեներացվում:

Նրա խոսքով՝ իշխանությունը բացահայտ ասում է, որ կոտորելու է ժողովրդին, իսկ հասարակությունը համաձայն է դրան, քանի որ չի ընդվզում:

«Բոլոր քայլերի հետևում կանգնած է երկու հանգամանք, առաջին՝ մեր համաձայնությունը նրա հետ, որ մեզ պետք է կոտորեն, որը իշխանության համար դրոշակ է, և երկրորդը՝ իշխանությունն, իր քայլերի տրամաբանության ներքո պահպանում է իրեն, բայց կներեք՝ մեր երեխաների կյանքի հաշվի՞ն, պետության գոյության հաշվի՞ն»,-ասաց Արման Աբովյանը:

Նա հռետորական հարց տվեց, թե էլ ինչ պետք է լինի, որ հասարակությունը հասկանա, որ ՀՀ իշխանությունների ներկա բոլոր գործողությունները բերում են պետության առաջ գոյաբանական խնդիրենրի գոյացմանը և իրականացմանը: