Ձեր վստահելի աղբյուրը

Ինչպես արդեն տեղեկացրել ենք, մի խումբ արցախցիներ այսօր բողոքի ակցիա են իրականացնում Հայաստանում Արցախի ներկայացուցչության դիմաց։ Ակցիայի ժամանակ մասնակիցների միջև բախում տեղի ունեցավ։ Մասնակիցները սկեցին միմյանց վրա բարձր բղավել, քաշքշել։

Մինչ Արցախի նախագահ Սամվել Շահրամանյանին հանդիպելը իրավիճակը նորից կտրուկ լարվել է, իսկ այնուհետև վերահսկողությունից դուրս եկել, երբ արցախցիները ներխուժել են ներկայացուցչության շենք և այնտեղ տեսել Արցախի նախկին նախագահ Արայիկ Հարությունյանի եղբորը՝ պետնախարար նշանակված Արթուր Հարությունյանին:

Քաղաքացիները նրա և ԼՂ ներկայացուցչության շենքում գտնվող այլ պաշտոնյաների հասցեին հայհոյանքներ են հնչեցրել, փորձել են քաշքշել Հարությունյանին։ Վերջինս փորձել է խոսել իրեն ու մյուսներին հայհոյող, գոռգոռացող տղամարդկանց հետ, սակայն նրան չեն լսել և րոպեներ անց անհայտ անձինք, քաշելով Հարությունյանին, տարել են երկրորդ հարկ: