«Օլգա» սերիալի աստղը կարող է բանտարկվել Ռուսաստանի մասին անպարկեշտ խոսքերի համար

Մշակույթ 19:15 21/10/2023 Աշխարհում

Ռուս դերասանուհի Յանա Տրոյանովային, ով հայտնի է «Օլգա» հեռուստասերիալից, կարող է սպառնալ մինչև հինգ տարվա ազատազրկում։ News.ru-ն՝ հղում անելով «SHOT» Telegram ալիքին, գրում է, որ դատավարության պատճառ կարող է լինել դերասանուհու հարցազրույցը ուկրաինական YouTube ալիքին։

Ըստ աղբյուրի՝ զրույցի ընթացքում Տրոյանովան անպարկեշտ է արտահայտվել Ռուսաստանի և նրա բնակիչների մասին։

Դերասանուհին ասել է, որ Ռուսաստանում կան «միայն հարբեցողներ», որոնք մշտապես գտնվում են ենթակա դիրքում։ Տրոյանովայի հայտարարությունները գրավել են հասարակական ակտիվիստների ուշադրությունը, որոնք պահանջում են հետաքննություն անցկացնել դերասանուհու նկատմամբ, ճանաչել նրան որպես օտարերկրյա գործակալ, ինչպես նաև քրեական գործ հարուցել նրա դեմ՝ ատելություն կամ թշնամանք հրահրելու և մարդկային արժանապատվությունը նվաստացնելու հոդվածով։

Առաջին անգամը չէ, որ ակտիվիստները նման պահանջներ են հայտնում Տրոյանովայի վերաբերյալ։

Մինչ այս նա նույնքան սկանդալային հարցազրույց էր տվել լրագրող Յուրի Դուդին (Ռուսաստանի Դաշնության Արդարադատության նախարարության կողմից ընդգրկված է օտարերկրյա գործակալների ցուցակում), ինչը նույնպես առաջացրել էր հասարակության վրդովմունքը։

Ավելի վաղ Անվտանգության և հակակոռուպցիոն դաշնային նախագծի նախագահ Վիտալի Բորոդինը կարծիք էր հայտնել, որ այժմ կինոաստղը 100 դոլար է վաստակում հարցազրույցի համար, որտեղ բացասաբար է խոսում Ռուսաստանի և ռուսների մասին։ Բորոդինը հայտարարել է նաև Տրոյանովային պատասխանատվության ենթարկելու անհրաժեշտության մասին։

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: