Ձեր վստահելի աղբյուրը

Հայաստանում Ֆրանսիայի դեսպանատան դիմաց այսօր արցախցիները հավաք են անցկացնում՝ խնդրելով իրենց հումանիտար ապասատան տրամադրել այդ երկրում։

«Դեսպանի հետ էլ հանդիպումների ժամանակ մեզ միշտ վստահեցրել են, որ Արցախի հարցը ռազմական լուծում չունի։ Բայց այսօր փաստացի Արցախի հարցը ասում ենք փակված չէ, բայց այն լուծվել է ռազմական ճանապարհով, ավելի քան 135 հազար արցախցիներ հայտնվել են Հայաստանի Հանրապետության տարածքում, մեծ թվով արտագաղթ  է սկսել դեպի Ռուսաստան»,-ասաց հադրութեցի մի տղամարդ, որն իր հայրենիքից հեռացել է 2020-ին, երբ ադրբեջանական զինված ուժերն օկուպացրեցին հայկական այդ շրջանը։

Հավաքի մասնակցի խոսքով, իրենք պահանջում են հանդիպում դեսպանի հետ, որպեսզի կարողանան ներկայացնել իրավիճակը, խնդիրները։
«Մենք Ֆրանսիայից հումանիտար ապաստան ենք խնդրում»,-ասաց արցախցի Ստեփանյանը՝ նշելով, որ դեսպանատան առաջ կգան ամեն օր կհավաքվեն, քանի դեռ դեսպանը չի հանդիպել իրենց հետ։

Նրա խոսքով, Արցախ վերադառնալու թեման այսօր քննարկման ենթակա չէ. «Ես իրավասու չեմ, իշխանություններն էլ նմա թեմա չեն քննարկում»։

Ինչո՞ւ չմնալ Հայաստանում։ Ակցիայի մասնակցի խոսքով, բռնի տեղահանված արցախցիների խնդիրների հետևանքով իրենք մոռացության են մատնվում։
«Մենք բազմիցս կառավարության դիմաց ցույցեր ենք անցկացրել, ներկայացրել ենք մեր խնդիրները, առաջարկել ենք ահստեղ համայնք ստեղծել, մեզ միշտ պատասխանել են՝ ձեզ համար բնակարաններ են կառուցվում Արցախում։ Մեզ ասել են՝ Արցախում բնակարանաշինության համար հատկացվել է 181 մլն դրամ, դրան գումարած 30 մլն դրամ։ Այսօր մի մարդ կատարել է հանցագործություն, ճանաչել է Արցախն Ադրբեջանի կազմում ու տարել է Արցախում մենակ բնակարանաշինության համար 211 մլրդ դրամ  ներդրել։ Սա ի՞նչ է նշանակում, միանշանակ հանցագործություն է։ Ո՞վ պետք է պատասխան տա այդ գումարների համար։ Սա միանշանակ եղել է փողերի լվացում։ Սփյուռքի ու այլոց հավաքած գումարները Նիկոլ Փաշինյանը տարել է ու Ադրբեջանում  ներդրել, ինքն է Արցախը ճանաչել Ադրբեջանի մաս, մենք չենք ճանաչել»։