Ձեր վստահելի աղբյուրը

«Եթե երեկ Ադրբեջանն այդ հայտարարությունն ընդունել է, հետևաբար այսօր պետք է իր օկուպացիոն զորքերը հաներ Գեղարքունիքի, Վայոց Ձորի և Սյունիքի մարզերից»,-ԱԺ ճեպազրույցների սրահում հայտարարեց «Հայաստան» խմբակցության պատգամավոր Արթուր Խաչատրյանը՝ անդրադառնալով նախորդ օրը Թեհրանում «3+3» ձևաչափի հանդիպման արդյունքներով պետությունների տարածքային ամբողջականությունները փոխադրաձ հարգող հայտարարության ընդունումը:

Ընդդիմադիր պատգամավորի խոսքով՝ Ադրբեջանը, մի կողմից ընդունելով նման հայտարարություն, իսկ մյուս կողմից Հայաստանում պահելով իր օկուպացիոն զորքերը, հստակ ուղերձ է հղում, որ որևէ ձևով խաղաղության գնալու ցանկություն չունի, եթե այդ «խաղաղության համաձայնագիրը չլինի Հայաստանի կապիտուլյացիայի հայտարարություն»:

««Խաղաղությունը» ադրբեջանական նարատիվ է, մեր մոտ կա «ցեղասպանվե՞լ, թե՞ ինքնապաշտպանվել» խոսույթը, քանի որ Ադրբեջանն իր բոլոր գործողություններով ցույց է տալիս, որ խաղաղությունն իր համար ընդունելի չէ, բացի Հայաստանի կապիտուլյացիայից»,- հայտարարեց Արթուր Խաչատրյանը և նկատեց, որ եթե հայկական կողմը համաձայն չէ դրա հետ, ապա պետք է գործի իր ինքնապաշտպանությունն ապահովելու և արցախցիների ինքնորոշման իրավունքն առաջ տանելու ուղղությամբ, բայց գործող իշխանությունների դեպքում գործընթացները լավ տեղ չեն տանում:

«Ամենալուրջ վտանգն այն է, որ Հայաստանը չդառնա Արևմուտքի, Հյուսիսի և Հարավի բախման թատերաբեմ: Ցավոք սրտի, այս իշխանությունների ձախողված արտաքին քաղաքականությունը բերել է հենց նրան, որ Հայաստանը վերածվում է բախումների թատերաբեմի»,-ասաց Խաչատրյանը և, կարծիք հայտնելով , որ բնակցությունների անցկացման վայրի հարցը երկրորդական է, հավելեց. «Առաջնային է, թե բանակցությունների սեղանին ինչ է դրված և այն մարդը, որը Հայաստանն է ներկայացնում, արդյոք պաշտպանում է հայկական շահերը: Մինչ այժմ մենք հիմք չունենք պնդելու, որ Հայաստանից բանակցողները Հայաստանի շահերն են պաշտպանում, որովհետև անկախ նրանից, թե բանակցությունները որտեղ են ընդացել, այդ բանակցությունների սեղանին դրվել և ստորագրվել է թուղթ, որը հայկական շահերին չի համպատասխանում»:

Պատասխանելով լրագրողների  դիտարկմանը, թե ինչու ընդդիմությունը ձախողվել է իշխանափոխության հարցում՝ պատգամավորն ասաց. «Երեք տարի ինչ ասել ենք՝ ճիշտ ենք ասել, Փաշինյանն ինչ ասել է, սխալ է ասել, որովհետեր 3-5 տարի մենք անընդհատ գլորվում ենք դեպի անդունդը»:

Խաչատրյանը հայտնեց, որ պետք է փոխել իշխանությունը, բայց հարց տվեց, թե ընդդիմությանը խփելն արդյո՞ք օգնում է իշխանության փոխելուն:

«Հասարակության մեջ, քաղաքական ներկապնակի վրա կա-չկա, բայց միակ լուրջ ինստիտուցիոնալ ընդդիմությունը մենք ենք, ԱԺ-ում հավաքվածներնս և անում ենք այն, ինչը որ ընդդիմությունը պետք է անի՝ քննադատում ենք իշխանությանը»,-հայտարարեց ընդդիմադիր պատգամավորը:

Նա հայտնեց, որ փողոց են դուրս բերում այնքան քաղաքացի, ինչքան կարողանում են և հորդորեց, դիտարկել, թե այլընտրանքային ընդդիմությունը ինչքան մարդ է փողոց բերում և իշխնությունը ինչ աջակցություն ունի՝ Երևանի քաղաքապետի ընտրության ֆոնին:

Անդրադառնալով Փաշինյանի հայտարարությանը թե, հայ-ռուսական հարաբերությունները լավ են՝ պտագամավորը հարց հնչեցրեց. «Եթե հայ-ռուսական հարաբերություններն լավ են՝ ինչո՞ւ են եթերում սփռվում հաղորդումներ, որոնք վնասում են այդ հարաբերությունները»: