Ձեր վստահելի աղբյուրը

Կրեմլում չգիտեն, թե Նիկոլ Փաշինյանը խոսել է Հայաստանում ռուսական ռազմակայանի առկայության առավելությունների բացակայության մասին, և նրանք մտադիր չեն ընդունել համապատասխան լրատվամիջոցների հրապարակումները: Այդ մասին ասել է ՌԴ նախագահի մամուլի քարտուղար Դմիտրի Պեսկովը։

«Մենք դեռ չգիտենք, արդյոք նա ասել է այս խոսքերը, և եթե նա ասել է դրանք, ապա որտեղ, ինչ համատեքստում: Մենք նման տվյալներ չունենք»,-ասել է նա «Ինտերֆաքս»-ին՝ մեկնաբանելով The Wall Street Journal-ի հրապարակումը:

Հարզրույցի անոնսում պարբերականը հայտնել էր, որ Փաշինյանը ասել է, որ առավելություններ չի տեսնում Հայաստանում ռուսական ռազմակայանի շարունակական ներկայությանւ մեջ։ Միևնույն ժամանակ, հրապարակման մեջ բառացի մեջբերում չի արվում Փաշինյանից:

«Մենք չենք կարող Wall Street Journal-ը որպես առաջնային աղբյուր ընդունել»,-հավելել է Կրեմլի ներկայացուցիչը։

102-րդ ռուսական ռազմակայանը Գյումրիում տեղակայված է Հայաստանի հյուսիսում 1995 թվականից։ 2011 թվականին Հայաստանում ռուսական ռազմակայանի գտնվելու ժամկետը երկարացվել է մինչև 2044 թվականը։