Վրաստանի խորհրդարանն ընդունել է ԵՄ-ի գաղտնիքները պահպանելու մասին օրինագիծը

Քաղաքական 15:16 28/10/2023 Տարածաշրջան

Վրաստանի խորհրդարանն ընդունել է ԵՄ-ի գաղտնիքները պահպանելու մասին օրինագիծը

Վրաստանի խորհրդարանի Եվրոպական ինտեգրման հարցերով հանձնաժողովը սատարել է «Պետական գաղտնիքի մասին» օրենքի փոփոխությունները, որոնք ենթադրում են Վրաստանի օրենսդրության մեջ Եվրամիության (ԵՄ) գաղտնիքները պահպանելու պարտավորության ներդրում։ Այս մասին հայտնում է «Sputnik Գրուզիա»-ն։

Ինչպես նշել է Եվրաինտեգրման խորհրդարանական հանձնաժողովի նախագահ Մակա Բոչորիշվիլին, փոփոխությունների ընդունումը Վրաստանի և ԵՄ-ի միջև գաղտնի տեղեկատվության փոխանակման համաձայնագրի շուրջ բանակցությունների ընթացքում տեղի ունեցած երկարատև գործընթացի յուրօրինկ ավարտը։ Նա հավելել է, որ օրենսդրական փոփոխությունների նպատակն է ապահովել Եվրամիության հետ գաղտնի տեղեկատվության փոխանակման մասին համաձայնագրի անխափան աշխատանքը։

Փոփոխությունները ենթադրում են Վրաստանի օրենսդրության մեջ «ԵՄ գաղտնի տեղեկատվություն» տերմինի ներմուծում, որը նշանակում է ԵՄ անվտանգության դասակարգմամբ սահմանված ցանկացած տեղեկատվություն կամ նյութ, որի չարտոնված հրապարակումը կարող է տարբեր աստիճանի վնաս պատճառել ԵՄ-ի կամ ավելի շատ իր անդամ պետությունների շահերին:

Ինչպես պարզաբանում է Sputnik Գրուզիան, ԵՄ գաղտնի տեղեկատվության հասանելիության իրավունքը կտրամադրվի այն անձանց, ովքեր տեղեկատվության հասանելիության կարիք ունեն և ունեն համապատասխան անհատական թույլտվություն դեպի ԵՄ գաղտնի տվյալներ և իրենց պարտականությունների մասին տեղեկատվություն։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: