![](https://panorama.am/news_images/973/2918119_1/391760705_352071840545210_8818308320821713955_n_v1.thumb.jpg)
Լուվրի թանգարանի աջակցությամբ իրականացվում է Էրեբունի թանգարանի մշտական ցուցադրության փոփոխության ծրագիրը
Պաշտոնական այցով Հայաստանում գտնված Ֆրանսիայի Հանրապետության մշակույթի նախարար Ռիմա Աբդուլ Մալակի գլխավորած պատվիրակությունն այցելել էր Էրեբունի թանգարան և ամրոց: Պատվիրակաության կազմում է եղել նաև Լուվրի նախագահ-տնօրեն Լուորեն դե Կան:
«Էրեբունի» պատմահնագիտական արգելոց-թանգարանի տնօրեն Միքայել Բադալյանը պատվիրակությանը ներկայացրել է Էրեբունի թանգարանի և ֆրանսիական տարբեր հասատատությունների միջև ընթացող ծրագրերի մասին:
Արգելոց-թանգարանից հայտնում են, որ ներկայումս Լուվրի թանգարանի Հին Մերձավոր Արևելքի դեպարտամենտի աջակցությամբ իրականացվում է Էրեբունի թանգարանի մշտական ցուցադրության փոփոխության ծրագիրը, որը կավարտվի 2024 թվականի ապրիլի վերջին: Էրեբունի ամրոցում 2008 թվականից պեղումներ են իրականացվում հայ-ֆրանսիական հնագիտական արշավախմբի կողմից, ՀՀ-ում Ֆրանսիայի դեսպանատան աջակցությամբ իրականացվել են մի շարք կարևոր ծրագրեր, որոնց թվում է Էրեբունի և Կարմիր բլուր հուշարձանների տարբեր կառույցների եռաչափ վերակազմությունների հայերեն և ֆրանսերեն տեքստերով հագեցած կատալոգը:
Ներկայումս Երևանի քաղաքապետարանի, Գրենոբլի հողի -արտարապետության հետազոտությունների կենտրոնի, Լիոնի ճարտարապետության համալսրանի և Էրեբունի թանգարանի համագործակցությամբ Կարմիր բլուր հնավայրում իրականացվում է ուրարտական շինարարական ավանդույթներին համապատասխան կերպով աղյուսների արտադրության ծրագիրը:
Ֆրանիայի ժառանգության ազգային ինստիտուտը մշտապես մասնագիտական խորհրդակցություն է իրականացնում ուրարտական տեքստիլների և քարե կառույցների կոնսերվացման, ամրակայման և պահպանության հարցերում:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան