Ձեր վստահելի աղբյուրը

«Ցանկացած կազմակերպությունում աշխատանքային փոխհարաբերությունները կառուցվում են աշխատանքային օրենսգրքի հիման վրա և, բնականաբար, բոլոր այն դեպքերում, երբ Աշխատանքային օրենսգրքով  սահմանված կարգավորումները չեն պահպանվում, դրան հաջորդում են համապատասխան քայլերը»,-  լրագրողների հետ զրույցում անդրադառնալով Հովհաննես Թումանյանի թանգարանի տնօրենին աշխատանքից ազատելուն՝ ասաց ԿԳՄՍ փոխնախարար Արաքսյա Սվաճյանը։

Ըստ նրա, խնդիրն այստեղ ոչ թե Թումանյանին ներկայացնելն է եղել, այլ գործուղման մեկնելու համար իր գործատուի կողմից հրահանգ ու հրաման ունենալը։

«Ցանկացած տնօրեն, ով արձակուրդ կամ գործուղման է մեկնում, նախարարի հրամանով ունենում է այդ գործունեությունն իրացնելու իրավունքը։ Անկախ նրանից, թե ինչ ֆինանսական միջոցներով ու ինչպես է գործուղումն իրականցվել՝ հստակ սահմանված է, որ պետք է ունենաս գործուղման հրաման, եթե չունես այդ հրամանը, տվյալ գործուղումը չես կարող իրականացնել»։

Հարցին՝ տեղեկություններ կան, որ նախարարությունն այս պաշտոնում իր յուրայինին նշանակելու միտում ունի, ինչպես սովորաբար արվում է, փոխնախարարը պատասխանեց. «Դրանք անձնական մեկնաբանություններ են, որևէ հիմք չունեն»։