Ձեր վստահելի աղբյուրը

Ադրբեջանի ԱԳ նախարար Ջեյհուն Բայրամովը Երևանից Բաքու մեկնած Գերմանիայի Դաշնային Հանրապետության արտաքին գործերի նախարար Անալենա Բերբոքին դիտողություն է արել համատեղ ասուլիսի ընթացքում։

«Ինտերֆաքս Ադրբեջան»-ը հայտնում է, որ Բայրամովը կոչ է արել գերմանացի գործընկերոջը «հարգանքով վերաբերվել ադրբեջանական քաղաքների անունների հետ»։

Բայրամովին նյարդայնացրել է, երբ գերմանացի նախարարն իր խոսքում ասել է Շուշի և Ստեփանակերտ։ 

«Այդ անուններով քաղաքներ, որոնք օգտագործեց տիկին նախարարը, չկան։ Պետք է հարգանքով վերաբերվել Ադրբեջանին»,-ասել է Բայրամովը։ 

Նա նշել է, որ Ադրբեջանը պատրաստ է Հայաստանի հետ բանակցությունների։

«Բանակցությունների ձևաչափը կարող է լինել ցանկացած կերպ, կարևոր է հասկանալ, որ դա Ադրբեջանի և Հայաստանի հարցն է։ Մենք հայկական կողմին ենք փոխանցել խաղաղության պայմանագրի վերաբերյալ մեր հաջորդ առաջարկները և այժմ սպասում ենք նրանց պատասխանին»,- ասել է Բայրամովը։

Ադրբեջանի ԱԳՆ ղեկավարն ընդգծել է, որ Թեհրանում «3+3» ձևաչափով նախարարական հանդիպման ժամանակ Արարատ Միրզոյանի հետ քննարկել է հարաբերությունների կարգավորման հարցը. «Իմ հանդիպումը հայ գործընկերոջ հետ այննտեղ նախատեսված չէր, սակայն մենք 40 րոպեից ավելի հանդիպում ենք անցկացրել»։