Ձեր վստահելի աղբյուրը

«Հրազդանի կիրճում մարզվող քաղաքացիների անվտանգությունն ապահովելու և առողջ ապրելակերպը խթանելու նպատակով շաբաթ-կիրակի օրերին Հրազդանի կիրճում ավտոմեքենաների երթևեկությունն արգելելու հնարավորություն է պետք ստեղծել` առաջարկելով արգելքի կիրառման հատվածը, ժամերը և եղանակը»,-գքրծակարգավարական խորհրդակցության հնձնարարական ձևակերպեց քաղաքապետ Տիգրան Ավինյանը:

Հայտնելով, որ հարցը մեկ անգամ արդեն քննարկել են, տեղը ֆիքսել և պետք է ընդամենն իրականացնել՝ Ավինյանը նշեց. «Նաև պետք է որոշակի հնարավորություններ ստեղծենք, եթե դրա կարիքը կա, նույնիսկ օրենսդրական, որ թաքնված շլագբաումներից կարողանանք դնել և հեռակառավարել, որովհետև շատ դեպքերում անընդհատ վարչարարությունն իրականացնելը ոչ էֆեկտիվ է, եթե կարելի է ուղղակի այդ օրերին ճանապարհը փակել»:

Նա ասաց, որ պարեկային ծառայության ռեսուրսները խնայելու համար պետք է փորձել շաբաթ-կիրակի օրերին եթե կարողանան արգելափակոցով երթևեկությունը սահմանափակել:

Քաղաքապետարանի համապատասխան ստորաբաժանման ղեկավրը հայտնեց,որ իրավական առումով շլագբաումներով երթևեկության արգելման մեխանիզմ չկա, բայց կքննարկեն պարեկային ծառայությն հետ:

«Պարեկային ծառայության ռեսուրսներն անսահմանափակ չեն»,-ասաց քաղաքապետը և բերեց այլ երկրների օրինակը, երբ նման լուծում է տրվել: