Ձեր վստահելի աղբյուրը

Հոկտեմբերի 26-ին կառավարության նիստում ընդունված որոշման համաձայն Արցախի Հանրապետությունից բռնի տեղահանված անձանց տրվել է ժամանակավոր  պաշտպանության կարգավիճակ, որից հետո նրանց շրջանում հիմնական հարցը վերաբերում էր նրան, թե արդյո՞ք  կարող են իրացնել իրենց կենսաթոշակների ու նպաստների իրավունքները։ Կառավարության «Հումանիտար կենտրոն»-ում ճեպազրույցի ժամանակ ՀՀ աշխատանքի և սոցիալական հարցերի նախարար Նարեկ Մկրտչյանը հայտարարեց, որ նրանք  կշարունակեն  ունենալ կենսաթոշակի և նպաստի իրավունք, եթե բավարարեն ՀՀ  օրենսդրությամբ  սահմանված պահանջներին։

«ԼՂ-ում կենսաթոշակ կամ նպաստ ստացած լինելու հանգամանից անկախ Լեռնային Ղարաբաղից բռնի տեղահանված անձինք Հայաստանում  կենսաթոշակի կամ նպաստի  իրավունք ձեռք կբերեն և քանի որ դա կարող էր ենթադրել որոշակի բյուրոկրատական պրոցեսներ, մենք այդ պրոցները շրջանցելու համար օրենսդրական նախաձեռնության մեջ տարբեր փոփոխություններ ենք անելու։ Այն ներկայացնելուց և հաստատվելուց հետո մեր բոլոր հայրենակիցներին, որոնք ԼՂ ունեցել են կենսաթոշակի իրավունք, մենք կշարունակենք տրամարդել իրենց կենսաթոշակն ու նպաստները։
Նրանք, որոնց կենսաթոշակային տարիքը լրացել է ՀՀ-ում գտնվելու ժամանակահատվածում, պետք է անպայման դիմեն կենսաթոշակային իրավունք ստանալու համար միասնական սոցիալական ծառայության տարածքայի գրասենակներ»,- մանրամասնեց Ն.Մկրտչյանը։

Նա ընդգծեց, որ կենսաթոշակ կամ նպաստ նշանակելու համար օրենսդրությամբ ամրագրված պարտադիր պայման է ՀՀ  բնակության վայրի հասցեով հաշվառված լինելը։

«Սա նշանակում է, որ մինչև միասնական սոցիալական ծառայության  տարածքային կենտորններ ներկայանալն ու դիմում ներկայացնելը պետք է անպայման լինեն հաշվառված այն վայրի հասցեով, որտեղ տվյալ պահին բնակվում են»,- ասաց նախարարը։

Նա նաև հայտարարեց, որ Արցախից բռնի տեղահանված 104 հազար 200 մարդ ստացել է 100 հազարական դրամը, որոնցից  75 հազար 725-ը մեծահասակ,  28 հազար 475-ն՝ անչափահաս։
40+10 հազարական դրամ աջացության ծրագրով վճարվել է  92 հազար 525 անձի։